بۇگىن پرەزيدەنت توقاەۆ جاڭا پرەمەر ءمينيستردىڭ كانديداتۋراسىن ۇسىنادى

743

بۇگىن، 11 قاڭتاردا مەملەكەت باسشىسى قاسىم-جومارت توقاەۆ ماجىلىستە ءسوز سويلەيدى، - دەپ حابارلايدى "ادىرنا" ۇلتتىق پورتالى.

پرەزيدەنتتىڭ ءباسپاسوز حاتشىسى بەرىك ءۋاليدىڭ ايتۋىنشا، مەملەكەت باسشىسىنىڭ پارلامەنتتە سويلەگەن ءسوزى ساعات 11.15-كە جوسپارلانعان. ونلاين ترانسلياتسيا «حابار24» ارناسىندا بولادى.

«بۇگىن ساعات 11.15-تە مەملەكەت باسشىسى قاسىم-جومارت توقاەۆ بەينەبايلانىس ارقىلى پارلامەنت ءماجىلىسىنىڭ وتىرىسىنا قاتىسىپ، ەلىمىزدىڭ جاڭا پرەمەر-ءمينيسترىنىڭ كانديداتۋراسىن ۇسىناتىن بولادى. سونداي-اق پرەزيدەنت ساياسي جانە الەۋمەتتىك-ەكونوميكالىق سالالارداعى وزەكتى ماسەلەلەردى شەشۋ بويىنشا اۋقىمدى بايانداما جاسايدى. جيىندى «حابار 24» تەلەارناسى تىكەلەي ەفيردە كورسەتەدى." دەپ جازدى پرەزيدەنتتىڭ ءباسپاسوز حاتشىسى ءوزىنىڭ Facebook-دە.

بۇعان دەيىن ول (ۇقشۇ) ۇجىمدىق قاۋىپسىزدىك شارت ۇيىمىنىڭ كەزەكتەن تىس وتىرىسىندا 11 قاڭتاردا پارلامەنتكە ۇكىمەتتىڭ جاڭا قۇرامى تۋرالى ۇسىنىس ەنگىزىپ، الەۋمەتتىك-ەكونوميكالىق سالاداعى وتكىر ماسەلەلەردى شەشۋ بويىنشا ناقتى مىندەتتەر قوياتىنىن اتاپ ءوتتى.

سونداي-اق، كادرلىق اۋىس-ءتۇيىس تۋرالى پرەزيدەنتتىڭ ءباسپاسوز حاتشىسى بەرىك ءۋالي دە مالىمدەدى. "پرەزيدەنت ۇكىمەتتى وتستاۆكاعا جىبەردى. قازىر بارلىق مينيسترلەر مىندەتىن اتقارۋدا... كىمنىڭ كەتەتىنىن، كىمنىڭ تاعايىندالاتىنىن پرەزيدەنت ءوزى شەشەدى. ۇكىمەت قايتادان جاساقتالادى. ارينە، كادرلىق وزگەرىستەر بولادى", - دەدى ول حابار24 ارناسىندا.

5 قاڭتاردا پرەزيدەنت قاسىم-جومارت توقاەۆ ۇكىمەتتى وتستاۆكاعا جىبەرۋ تۋرالى جارلىققا قول قويدى. پرەمەر-ءمينيستردىڭ مىندەتى ۋاقىتشا ءاليحان سمايىلوۆقا جۇكتەلدى.

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket