Búgin prezıdent Toqaev jańa Premer Mınıstrdiń kandıdatýrasyn usynady

2286
Adyrna.kz Telegram

Búgin, 11 qańtarda Memleket basshysy Qasym-Jomart Toqaev Májiliste sóz sóıleıdi, - dep habarlaıdy "Adyrna" ulttyq portaly.

Prezıdenttiń baspasóz hatshysy Berik Ýálıdiń aıtýynsha, Memleket basshysynyń Parlamentte sóılegen sózi saǵat 11.15-ke josparlanǵan. Onlaın translıaııa «Habar24» arnasynda bolady.

«Búgin saǵat 11.15-te Memleket basshysy Qasym-Jomart Toqaev beınebaılanys arqyly Parlament Májilisiniń otyrysyna qatysyp, elimizdiń jańa Premer-Mınıstriniń kandıdatýrasyn usynatyn bolady. Sondaı-aq Prezıdent saıası jáne áleýmettik-ekonomıkalyq salalardaǵy ózekti máselelerdi sheshý boıynsha aýqymdy baıandama jasaıdy. Jıyndy «Habar 24» telearnasy tikeleı efırde kórsetedi." dep jazdy Prezıdenttiń baspasóz hatshysy óziniń Facebook-de.

Buǵan deıin ol (UQShU) Ujymdyq qaýipsizdik shart uıymynyń kezekten tys otyrysynda 11 qańtarda Parlamentke úkimettiń jańa quramy týraly usynys engizip, áleýmettik-ekonomıkalyq saladaǵy ótkir máselelerdi sheshý boıynsha naqty mindetter qoıatynyn atap ótti.

Sondaı-aq, kadrlyq aýys-túıis týraly Prezıdenttiń baspasóz hatshysy Berik Ýálı de málimdedi. "Prezıdent úkimetti otstavkaǵa jiberdi. Qazir barlyq mınıstrler mindetin atqarýda... Kimniń ketetinin, kimniń taǵaıyndalatynyn prezıdent ózi sheshedi. Úkimet qaıtadan jasaqtalady. Árıne, kadrlyq ózgerister bolady", - dedi ol Habar24 arnasynda.

5 qańtarda prezıdent Qasym-Jomart Toqaev úkimetti otstavkaǵa jiberý týraly jarlyqqa qol qoıdy. Premer-mınıstrdiń mindeti ýaqytsha Álıhan Smaıylovqa júkteldi.

"Adyrna" ulttyq portaly

Pikirler