الماتىدا الىپ-ساتارلار ناندى 300-380 تەڭگەگە ساتقان

1710
Adyrna.kz Telegram

الماتىدا الىپ-ساتارلار ناندى 300-380 تەڭگەگە ساتقان. بۇل تۋرالى "حابار 24" ارناسىنىڭ اقپاراتىندا ايتىلادى، - دەپ حابارلايدى “ادىرنا” ۇلتتىق پورتالى. 

"وسى كۇندەرى باعانى نەگىزسىز كوتەرۋ دەرەكتەرى تىركەلدى. كەيبىر الىپ-ساتارلار ناندى 300-380 تەڭگەگە ساتقان، بىراق بولكە نان قۇنى - 80 تەڭگە", - دەلىنگەن جاريالانىمدا.

شەنەۋنىكتەر قالادا الەۋمەتتىك نان تاپشىلىعىن 3-4 كۇن ىشىندە شەشۋگە ۋادە بەرىپ وتىر. بۇل تۋرالى كاسىپكەرلىك جانە ينۆەستيتسيالار باسقارماسىنىڭ جەتەكشىسى ەركەبۇلان ورازالين بريفينگتە ايتتى. سونداي-اق، 10 قاڭتاردا تاعى ءبىر نان زاۋىتى جۇمىسىن جانداندىرادى دەپ جوسپارلانعان. كەيىنىرەك قالعان ناۋبايحانالار ىسكە قوسىلادى.

تەلەارنا مالىمەتىنشە، مەگاپوليستە بۇگىن الەۋمەتتىك نان جەتىسپەگەن. نەگىزگى ءوندىرۋشى "اقساي نان" توتەنشە جاعداي كەزىندە نان ءوندىرۋ كولەمىن ەكى ەسە قىسقارتقان. سۋپەرماركەتتەرگە نان جەتكىزۋ دە توقتاپ قالعان. مينيماركەت يەلەرى نان الۋ ءۇشىن وزدەرى زاۋىتقا بارۋعا ءماجبۇر ەكەنى ايتىلادى.
”ادىرنا” ۇلتتىق پورتالى
پىكىرلەر