وتكەن اپتانىڭ سەنبىسىندە، 25 جەلتوقساندا قازاق ەلى تاۋەلسىزدىگىنىڭ 30 جىلدىعى اياسىندا مۇستافا شوقاي اتىنداعى №51 مەكتەپ-گيمنازياسىندا الاش قايراتكەرى مۇستافا شوقايدىڭ ءومىرى مەن ساياسي كۇرەس جولدارىنان سىر شەرتەتىن مۇستافا شوقاي مۇراجايىنىڭ اشىلۋى ءوتتى، دەپ حابارلايدى "ادىرنا" ۇلتتىق پورتالى.
شاراعا قر پارلامەنتى سەناتىنىڭ دەپۋتاتى نۇرتورە ءجۇسىپ ، قر پارلامەنتى ءماجىلىسىنىڭ دەپۋتاتتارى قازىبەك يسا ، جۇلدىز سۇلەيمەنوۆا، قوعام قايراتكەرى، ساياسي عىلىمدار دوكتورى، پروفەسسور ابدىجالەل باكىر، نۇر-سۇلتان قالاسى تىلدەر باسقارماسىنىڭ باسشىسى ساكەن ەسىركەپ، مۇستافاتانۋشى عالىمدار، جۋرناليستەر، مۇستافا شوقايدىڭ ۇرپاقتارى، ءبىلىم بەرۋ سالاسىنىڭ وكىلدەرى قاتىستى.
جينالعاندار مۇستافا مۇراجايىن تاماشالاپ، مۇستافاتانۋشى ابدىجالەل باكىر مۇراجايدىڭ اشىلۋى تۋرالى ارنايى ءسوز سويلەدى.
مەكتەپ زالىندا مۇستافا شوقايعا ارنالعان جيىن بولىپ، قويىلىم مەن كونتسەرت ءوتتى.
العاشقى بولىپ سويلەگەن بەلگىلى اقىن، قر پارلامەنتى ءماجىلىسىنىڭ دەپۋتاتى، “اق جول” پارتياسى توراعاسىنىڭ ورىنباسارى قازىبەك يسا مۇستافا شوقايدىڭ ەل تاريحىنداعى ەرەكشە ماڭىزدى ءرولىن ايشىقتى تىلمەن ايقىنداپ بەردى.
- ۇلت كوسەمى، مۇزبالاق مۇستافا شوقايدىڭ الاش جاستارىنا ايتقان ءسوزى ءار قازاق تىڭداپ ءجۇرۋى ءتيىس!، - دەدى قازىبەك يسا.
"ادىرنا" ۇلتتىق پورتالى
