زەينەتاقى ءوستى، ايەلدەردىڭ زەينەت جاسى ۇلعايدى

6601
Adyrna.kz Telegram

2022 جىلدىڭ 1 قاڭتارىنان باستاپ قازاقستاندا ايەلدەردىڭ زەينەت جاسى 60,5 جاسقا دەيىن كوتەرىلدى. بىلتىر قازاقستاندىق ايەلدەر زەينەتكەرلىككە 60 جاستان شىققان بولاتىن. جىل سايىن جارتى جىل قوسىلىپ، 2027 جىلى ايەلدەر  63 جاستا زەينەتكە شىعاتىن بولادى.  2027 جىلى ەر مەن ايەلدىڭ زەينەت جاسى تەڭەسەدى. 

كەزەڭ-كەزەڭمەن زەينەت جاسى كەلەسىدەي بولماق:

2022 جىلدىڭ 1 قاڭتارىنان — 60,5 جاس;
2023 جىلدىڭ 1 قاڭتارىنان — 61 جاس;
2024 جىلدىڭ 1 قاڭتارىنان — 61,5 جاس;
2025 جىلدىڭ 1 قاڭتارىنان — 62 جاس;
2026 جىلدىڭ 1 قاڭتارىنان — 62,5 جاس;
2027 جىلدىڭ 1 قاڭتارىنان — 63 جاس.

2022 جىلى قازاقستاندىقتاردىڭ زەينەتاقىسى دا ارتادى. مەملەكەتتىك بازالىق زەينەتاقىنىڭ ەڭ تومەنگى مولشەرى 19 450 تەڭگەگە دەيىن ۇلعايادى. 2021 جىلى ول 18 524 تەڭگەگە تەڭ بولعان ەدى. ەڭ تومەنگى زەينەتاقى 46 302 تەڭگەنى قۇرايدى، ال بىلتىر ونىڭ مولشەرى 43 272 تەڭگە بولدى.

"ادىرنا" ۇلتتىق پورتالى

پىكىرلەر