ەلىمىزدە ۋتيليزاتسيالىق الىم قۇنى ءوستى. ۋتيليزاتسيالىق الىم اەك-كە بايلانىستى، ونىڭ مولشەرى بۇگىننەن باستاپ ءوستى. 2021 جىلى 2917 تەڭگە بولسا، 2022-جىلدىڭ 1-قاڭتارىنان باستاپ ول 3063 تەڭگەنى قۇرايدى.
قازاقستاندا 2016 جىلدان بەرى كولىكتى ەلگە اكەلۋ ءۇشىن مىندەتتى قايتا وڭدەۋ الىمى الىنادى. ۋتيليزاتسيالىق الىمدى اۆتوكولىك وندىرۋشىلەرى، رەسمي يمپورتتاۋشىلار جانە اۆتوكولىكتەردى قازاقستانعا اكەلىپ، تىركەگىسى كەلەتىن جەكە تۇلعالار تولەۋى ءتيىس.
ەكولوگيا مينيسترلىگىنىڭ مالىمەتىنشە، 2016 جىلدان 2021 جىلدىڭ قىركۇيەگىنە دەيىن 614 ميلليارد 488 ميلليون تەڭگە ۋتيليزاتسيالىق الىم بويىنشا قارجى تولەنگەن. 2022 جىلى جەڭىل اۆتوكولىكتى (قوزعالتقىش كولەمى 1 مىڭ تەكشە سانتيمەتردەن از) ۋتيليزاتسيالىق تولەمى 459 450 تەڭگەنى، قۋاتتىلىعى 400 ات كۇشىنەن اساتىن كومباين ءۇشىن 13 783 500 تەڭگەنى قۇرايدى.
"ادىرنا" ۇلتتىق پورتالى
