قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگىنىڭ باسشىسى قايرات كەلىمبەتوۆ نۇر-سۇلتاننىڭ "روساتوممەن" قازاقستاندا اتوم ەلەكتر ستانتسياسىن سالۋ ماسەلەسىن تالقىلاپ جاتقانىن ايتتى.
"كوممەرسانت" گازەتىنە بەرگەن سۇحباتىندا قايرات كەلىمبەتوۆ قازاقستاننىڭ ەكونوميكالىق ساياساتىنا ەلەۋلى اسەر ەتەتىن بىرقاتار جاھاندىق ۇدەرىستەر بار ەكەنىن اتاپ ءوتتى.
ء"بىز ۇزاقمەرزىمدى ءتۇرلى كەلىسىمدەرگە قول قويدىق، مىندەتتەمەلەر الدىق. قازاقستان 2060 جىلى كومىرتەكتى بەيتاراپ بولۋى مىندەتتى. ءبىز گلازگودا بولدىق، سوندىقتان 2030 جىلى كومىرقىشقىل گازدىڭ اۋاعا ءبولىنۋىن 15%-عا ازاتۋعا مىندەتتىمىز. ول قالاي ىسكە اسادى؟ بىزگە جەل جانە كۇن ەنەرگياسىنا ينۆەستيتسيا تارتۋ قاجەت، الايدا ول كومىردى تولىق الماستىرا المايدى. ءبىر جەرگە گاز كەرەك، ول ءۇشىن ءبىز "گازپروممەن" ارىپتەسپىز، بىراق ءتۇبى قازاقستانعا اەس سالۋ قاجەت بولادى. ونىڭ ىشىندە "روساتوممەن" كەلىسىمدى جۇرگىزىپ جاتىرمىز", - دەدى ول.
"ادىرنا" ۇلتتىق پورتالى
