ەلىمىزدەگى ۆەلوسپورتتىڭ دامۋىنا قازىرگى اتاۋى وزگەرگەن كاسىبي Astana Qazaqstan Team كومانداسىنىڭ قۇرىلۋى ۇلكەن سەرپىن بەردىدەسەك قاتەلەسپەيمىز. حالىقارالىق ۆەلوسيپەدشىلەر وداعىنىڭ تالابى بويىنشا،2023 جىلدان باستاپ ءاربىر كاسىبي كوماندانىڭ جانىندا ايەلدەر قۇرامى مەن جاستار كوماندالارى قۇرىلۋى ءتيىس. جاستاردىڭ «Astana Qazaqstan Development Team» قۇرلىقتىق كومانداسىنىڭ قۇرىلۋى سوندىقتان.
ونداعى ماقسات – ءىزباسار دايىنداۋ. ونىڭ قۇرامىنداعى ون سپورتشىنىڭ بەسەۋى قازاقستاندىق. قالعانى – يتالييا, ەكۆادور، كولۋمبييا, فرانتسيياجانە لاتۆييادان كەلگەن شاباندوزدار. بۇدان بولەك، قازاقستان ۆەلوسيپەد سپورتى فەدەراتسياسىجانىنان تاعى ءۇش كوماندا قۇرىلدى. جاستار كوماندالارىنان كءاسىبي قۇرلىقتىق كوماندا قۇرامىنا ىرىكتەۋ جۇرگىزىلەدى. جاستار كومانداسى تىكەلەي ەۋروپادا وتەتىن جارىستارعا قاتىسىپ، باق سىناۋعا مۇمكىندىك الىپ وتىر. شاقىرىمدارىندا ايىرماشىلىق بار دەمەسەڭىز، مارشرۋتتارى ۇلكەن كوماندالار كۇش سىناساتىن جولدارعا ۇقساس.
ەلىمىزدە وسى سپورت ءتۇرىنىڭ قارقىندى دامۋى مامانداردىڭ كوڭىلىنەن شىعىپ وتىر. سونىڭ ءبىرى – سپورت كوممەنتاتورى ەرمۇحامەد ماۋلەن.
«ۆەلوسپورت قارقىندى دامىپ كەلەدى. اسىرەسە، ءىرى قالالاردا جولدار سالىنىپ، دامۋعا سەرپىن بەرىلىپ جاتىر. ءار وبلىستا وليمپيادالىق دايارلاۋ مەكتەپتەرىندە ۆەلوسپورت سەكتسيالارى بار. قىزىلجار ۆەلوسپورتتىڭ مەكەنى بولىپ تۇر. دارىندى شاباندوزدار سول جاقتان كوپ شىعىپوتىر»، - دەيدى كوممەنتاتور.
ۆەلوسپورتقا, ونى دامىتۋعا سوڭعى ۋاقىتتا بەكەردەن بەكەر زور كوڭىل ءبولىنىپ كەلە جاتقان جوق. وعان وسى سپورت تۇرىندەگى جەتىستىكتەردىڭ تۇرتكى بولعانى قۇپيا بولماسا كەرەك.
«ۆەلوسپورت مەكتەبىنىڭ ىرگەسى بەرىك قالىپتاسقان.ماسەلەن، الەكساندر ۆينوكۋروۆ – سولتۇستىك قازاقستان وبلىسىنىڭ ۆەلوسپورت مەكتەبىنىڭ تۇلەگى. الەكسەي لۋتسەنكو (سولتۇستىك قازاقستان), الەكساندر شەفەر، دميتري سيدۋن (تاراز) – وسىنىڭ ءبىر ايعاعى. Astana Qazaqstan Team قۇرامىنا بيىل قوسىلعان نۇربەرگەن نۇرلىقاسىم دا تاراز ۆەلوسپورت مەكتەبىنەن شىققان»، – دەيدى سپورت ساراپشىسى دينا ىسقاقوۆ.
مامانداردىڭ ايتۋىنشا، قءازىر ءار وبلىستىڭ ۆەلوكوماندالارى، فەدەراتسيانىڭ بولىمشەلەرى بار. ءدال قازىر سپورتتىڭ بۇل ءتۇرىنىڭ دامۋى جامان ەمەس. Astana Qazaqstan Team قۇرامىندا 29 سپورتشى بولسا، سونىڭ ونى قازاقستاندىق سپورتشى.
«قازىر ولاردىڭ سانى 30 پايىزعا جۋىقتايدى. قازاقستاندىق سپورتشىلاردىڭ سانىن 50-60 پايىزعا دەيىن كوتەرۋ كەرەك دەگەن مەجە قويىپ وتىر. فەدەراتسيا باسشىلىعى ونى كوماندانىڭ تۇساۋكەسەر راسىمىندە جاريا ەتتى», - دەيدى دينا ىسقاقوۆ.
ارينە، قازاقستاندىقتار تاراپىنان بۇعان نارازىلىق تا بار. «كوماندا قۇرامىندا نەگە شەتەلدىكتەر كوپ؟ نەگە ولارعا اقشا جۇمسالۋى كەرەك؟» - دەگەن پىكىرلەر ءجيى ايتىلىپ جاتادى.
«ويتكەنى، بۇل – كاسىبي كوماندا. قازاقستاننىڭ ۇلتتىق قۇراماسى ەمەس، كاسىبي سپورت. فۋتبولدا رەال مادريد، بارسەلونا، پسج سەكىلدى. سوندىقتان شەتەلدىكتەردىڭ بولۋى زاڭدى. بىزدە ءوتىپ جاتقان جارىستار مەن ەۋروپا قۇرلىعىندا ءوتىپ جاتقان جارىستاردىڭ دەڭگەيى ەكى باسقا. ءبىز دە ءبىر كۇن جارىسىپ، چەمپيون بولادى. ال ول جاقتا 21 كۇن جارىسىپ، 3 جارىم مىڭ شاقىرىمدى باعىندىرىپ وتەدى. بۇل قازاقستاندىق فۋتبولشىنى مەسسيمەن بىرگە ويناتقانمەن بىردەي وتە ۇلكەن تاجىريبە!» - دەپ جاۋاپ بەرەدى كلۋب وكىلدەرى.
ەرمۇحامەد ماۋلەنءنىڭ پىكىرىنشە، مۇنىڭ تاعى ءبىر سەبەبى – مۇنداي دەڭگەيدە ويىن كورسەتەتىن قازاقستاندىقتار از.
«الەكسەي لۋتسەنكو – كوماندا كاپيتانى. Le Tour deFrance تا كەرەمەت ويىن كورسەتتى. ۆينوكۋروۆتىڭجاساعانىن قايتالاي الدى. يتاليا، يسپانيا جانەباسقا ەلدەردە ۆەلوسپورت قاتتى دامىعان. ءبىز سولدەڭگەيگە جەتۋ ءۇشىن بىرتە-بىرتە ۇيرەنۋىمىز كەرەك. ءباا كومانداسىندا دا بىردە-ءبىر اراب وينامايدى. بۇل قازىر تاڭقالاتىن نارسە ەمەس», - دەيدى مامان.
بىراق بۇل – ءبىزدىڭ سپورتشىلاردىڭ دەڭگەيىشەتەلدىكتەردەن تومەن دەگەن ءسوز ەمەس. ايتالىق، لۋتسەنكو الەمدەگى داڭقى جەر جارعان ۆەلوسپورتشىلاردى شاڭ قاپتىرىپ، مارە سىزىعىن ءبىرىنءشى كەسىپ ءوتكەنىن جاقسى بىلەمىز.
«بۇل جەڭىس مىقتى قارسىلاستارعا قارسى موتيۆاتسيا، تاجىريبە جيناقتاۋدىڭ ارقاسىندا كەلدى. لۋتسەنكونىڭ ارتىنان مىقتى قازاقستاندىق ءىزباسارلارى شىعادى دەپ كامىل سەنەمىن», - دەيدى دينا ىسقاقوۆ.
قازىرگى قول جەتكىزگەن جەتىستىكتەرگە قازاقستان ۆەلوسيپەد سپورتى فەدەراتسياسىنىڭ كوپ ۇلەس قوسىپ كەلە جاتقانى قۇپيا ەمەس. سونىڭ مۇرىندىق بولۋىمەن، ءاۋەسقويلار اراسىندا جارىستار ءجيى وتكىزىلە باستادى. اسىرەسە، الماتى قالاسىندا. Tour of Almaty, Tour of World Class Almaty جانە باسقا دا جارىستار – وسىنىڭ دالەلى. Astana Qazaqstan Team ماماندارى، باپكەرلەر قازاقستان چەمپيوناتىنان قالماي، ءاردايىم بلاكنوتتارىن قولىنا الىپ، ۇزدىكتەردىڭ ەسىمىن ءتۇرتىپ الىپ وتىرادى. جاڭا ەسىم نۇربەرگەن نۇرلىقاسىم الەمگە ءماشھۇر ازۋلى كومانداعا وسىلاي مۇشە بولعانى انىق.
ەۋروپادا كاسىبي سپورتتى نەگە مىقتى ويتكەنى،ساراپشىلاردىڭ ايتۋىنشا، ەڭ الدىمەن اۋەسقوي سپورت كەڭىنەن دامىعان. ەۋروپالىقتار ءتورت دوڭگەلەكتى كولىكتەن، ەكى دوڭگەلەكتى كولىكتى ءتيىمدى سانايدى. قاراجات ۇنەمدەءيدى، كولىگىن قايتا قويامىن دەپ باس قاتىرمايدى. دەنساۋلىققا ءتيىمدى دەپ ەسەپتەيدى. اۋەسقويلارعا بارلىق جاعداي جاسالعان. ۆەلوتۇراقتاردى قالانىڭ ءار بۇرىشىنان وڭاي تابا الاسىز. ءتىپتى، ۆەلوسيپەدشىلەرگە ارنالعان باعدارشامدار دا بار.
«بىزدە دە ارنايى جولدار جاسالىپ جاتىر. قازىر ۆەلوسيپەد جولىمەن جاياۋلار جۇرمەيتىن بولدى. ادامداردا ۆەلوسيپەدشىلەرگە دەگەن قۇرمەت ويانىپ, جول مادەنيەتى دامىپ كەلەدى. ۆەلوسپورت ءتۇبى بۇقارالىق سپورتقا اينالادى دەپ سەنەمىن»، - دەيدى ساراپشى.
كەيبىر ماماندار قازاقستاننىڭ تابيعاتى ۆەلوسپورتتىڭ دامۋىنا ەۋروپاداعىداي جايلى ەمەسەكەنىن العا تارتادى.
«بىراق بىزگە وسى كليماتقا يكەمدەلۋگە تۋرا كەلىپ تۇر. باستى نارسە – ينفراقۇرىلىم. پەتروپاۆل قالاسىن ايتپاعاندا، نۇر-سۇلتان, الماتى، قاراعاندى جانە تاراز قالالارىندا بۇل سپورت ءتۇرى وتە جاقسى دامىپ كەلەدى. ال بۇقارالىق سيپاتقا اينالۋى ءۇشىن ءار اپتا سايىن جارىس وتكىزىلۋى ءتيىس. سوڭعى جىلدارى پاندەمياعا بايلانىستى ۆەلوشەرۋلەر، ۇلكەن جارىستارىمىزدىڭ ءوزى وتپەي قالدى. مۇنداي شارالاردىڭ ءجيى ءوتۋى ۆەلوسپورتتىڭ دامۋىنا اسەر ەتەدى. ەۋروپاداعىداي ءۇش ادامنىڭ ءبىرى ۆەلوسيپەد تەبەتىن بولسا، كەرەمەت بولار ەدى. ول ءۇشىن الماتى مەن نۇر-سۇلتانداعىداي ارنايى جولدار سالىنۋ كەرەك»، - دەيدى ەرمۇحامەد ماۋلەن.
«استانا» كاسىبي سپورت كلۋبىنىڭ باس سەرىكتەسى – «سامۇرىق-قازىنا» ۇاق» اق، قۇرىلتايشىسى – تۋريزم يندۋسترياسى مەن سپورتتى قولداۋ قورى
