اتىراۋ وبلىسى اكىمىنىڭ ورىنباسارى باقىتگۇل حامەنوۆا تەرگەۋ يزولياتورىنا قامالدى، دەپ حابارلادى جەرگىلىكتى "اق جايىق" باسىلىمى.
مۇنداي بۇلتارتپاۋ شاراسىن اتىراۋ وبلىسىنىڭ سوتى 22 جەلتوقساندا سانكتسيالادى. ەندى حامەنوۆا ەكى اي تەرگەۋ يزولياتورىندا وتىرۋى كەرەك.
باقىتگۇل حامەنوۆانى تۇتقىنداۋ تۋرالى اتىراۋ وبلىسىنىڭ پروكۋراتۋراسى ءوتىنىش ءبىلدىردى.
ايتا كەتەرى، 12 جەلتوقساندا اتىراۋ قالاسىنىڭ مامانداندىرىلعان تەرگەۋ سوتى حامەنوۆانى ۇيقاماققا الۋ تۋرالى شەشىم شىعاردى. ءىس قىلمىستىق كودەكستىڭ 366-بابى 2-بولىگى ("قوماقتى مولشەردە پارا الۋ") بويىنشا تەرگەلىپ جاتىر.
حامەنوۆا مەن وبلىستىڭ مادەنيەت باسقارماسىنىڭ باسشىسى اقىلبەك رىسقاليەۆ اتىراۋدا اباي ەسكەرتكىشىن ورناتۋعا مەملەكەتتىك ساتىپ الۋ شارتىن جاساعانى ءۇشىن 4,5 ميلليون تەڭگە كولەمىندە پارا الدى دەگەن كۇدىككە ءىلىندى.
”ادىرنا” ۇلتتىق پورتالى
