تاۋەلسىزدىك مەرەكەسى قارساڭىندا قورىمىزبەن شىعارماشىلىق، ارىپتەستىك قارىم-قاتىناسىن تەرەڭدەتە تۇسكەن ادەبيەتشى-زەرتتەۋشى، اقىن-جازۋشى، عىلىممەن اينالسىپ جۇرگەن جاستار مەن باق وكىلدەرىنە العىس ايتىپ، سىياقى بەردىك. بيىل دا اۋىز تولتىرىپ ايتارلىق يگىلىكتى ءىس-شارا جاسادىق.
اتاپ ايتقاندا:
قورىمىزدىڭ كىتاپحانا سەرياسىمەن دەمەۋشىلىك جاساپ شىعارعان كىتاپتارى:
داۋلەتبەك بايتۇرسىنۇلى، "ەرلىك ەسكىرمەيدى";
دۇيسەنگۇل جاقان، "حالىق مۇراسىنىڭ جاناشىرى(ز.سانىك شىعارماشىلىعى جايىندا);
روزا سەيىلحان، "ورىك گۇلى";
"بارقىتبەل باۋرايىنداعى ءجىر"(ۇرجار اقىندارىنىڭ جيناعى);
نۇرتورە ءجۇسىپ، "جولىققان جاندار"; ايجارىق ابىلقاسىموۆ، "ولەڭ-قۇدىرەت" كىتابى. سونداي-اق، "قىتايداعى قازاق پروزاسىنىڭ انتولوگياسى" تاياۋ ۋاقىتتا باسپادان شىعادى.
جازۋشى، ەتنوگراف زەينەپ احمەتوۆنىڭ 150 كىتابىن ساتىپ الىپ كىتاپحانالار مەن وقىرماندارعا تاراتۋدى ۇيىمداستىردىق. بۇدان تىس، قالامگەرلەر مەن ونەرپازدارعا ادەبي كەش وتكىزۋ، ت،ب جاعىنان قارجىلاي قولداۋ جاسالۋدا.
شىلدە ايىندا ءۇرجاردا ز.سانىك اتىنداعى كوشە اشىلىپ، رەسپۋبليكالىق اقىندار ايتىسى وتكىزىلدى. 50 گە جۋىق اقىن، قالامگەر، ونەر جانە باق وكىلدەرىنە شيپالى الاكولدە 5 كۇندىك دەمالىس ۇيىمداستىردىق.
قازاق ءباسپاسوزىن قولداۋ بيىل دا جالعاستى. 1 ميلليون 200 مىڭ تەڭگەگە "ۇلان", "اق جەلكەن", "بالدىرعان", "قازاق ادەبيەتى", "جۇلدىز", "جاس الاش", "جاس قازاق" گازەتتەرىنە ءبىر جىلعا جازدىردىق. اسىرەسە بالالار-جاسوسپىرىمدەر باسىلىمىنا كوبىرەك كوڭىل ءبولىپ، شالعايدا جاتقان ءۇرجار اۋدانىنىڭ 50 دەن استام مەكتەبىنىڭ كىتاپحاناسىنا رۋحاني بايلىق جەتكىزۋگە دانەكەر بولدىق. اۋىلداعى وقۋشىلار ەندى وزدەرى دە گازەت-جۋرنالعا جازىلىپ، ماقالا جاريالاي باستادى. دەمەك، ماڭىزدى ءبىر ماقسات ءساتتى ورىندالدى دەگەن ءسوز.
قازىرگە دەيىن كورنەكتى جازۋشى، ەتنوگرف، باسپاگەر زەينوللا سانىكتىڭ شىعارماشىلىعىنا قاتىستى 7 وڭىردەگى 11 جوعارعى وقۋ ورنىنان 11 ماگيسترلىك، 6 ديپلومدىق جۇمىس قورعالىپ، حالىقارالىق-رەسپۋبليكالىق عىلىمي جيناقتاردان ماقالالار جارىق كوردى. جاس زەرتتەۋشىلەر مەن جەتەكشىلەرىنە سىياقى بەرىپ، شابىتتاندىرۋ - قوردىڭ باستى ماقساتى. بۇل باعىتتاعى جۇيەلى، جوسپارلى جۇمىستار جالعاسادى.
تۇپ-تۋرا 1 جىل بولعان "Amanat tv" يۋتۋب ارناسى ارقىلى ءارالۋان مازمۇن مەن جانردا 120 عا جۋىق رۋحاني-تاربيەلىك باعىتتاعى باعدارلاما-سيۋجەت جاساپ كورەرمەنگە ۇسىندىق. ونىڭ ىشىندە "الاش ارۋى" ۇلتتىق بايقاۋى قازاقى قۇندىلىقتاردى جاستارعا ناسيحاتتاۋ مەن ۇيرەتۋگە ارنالىپ، جەڭىمپازدارى اقشالاي جۇلدەگە يە بولدى.
ءبىزدى قولداعانداردى ءبىز دە قولداي بەرەمىز.
ارينە، بار قازاقتى جارىلقاي الماسپىز، وعان ميلليارتتاعان بايلىعى بار مەملەكەتتىڭ بيۋدجەتى دە جەتپەي جاتىر. دەگەنمەن، حال-قادىرىمىزشە ۇلتقا ۇزدىكسىز قىزمەت ەتۋگە دايىنبىز!
بارشاڭىزدى ەلىمىزدەگى ەڭ ۇلى - تاۋەلسىزدىك مەرەكەسىمەن قۇتتىقتايمىز!
بوستاندىق باقىتىمىز قيامەتكە دەيىن باياندى بولعاي!
جارقىن سالەنۇلى،
زەينوللا سانىك اتىنداعى مادەنيەت قورىنىڭ قىزمەتكەرى، جۋرناليست
