Táýelsizdik merekesi qarsańynda qorymyzben shyǵarmashylyq, áriptestik qarym-qatynasyn tereńdete túsken ádebıetshi-zertteýshi, aqyn-jazýshy, ǵylymmen aınalsyp júrgen jastar men BAQ ókilderine alǵys aıtyp, syıaqy berdik. Bıyl da aýyz toltyryp aıtarlyq ıgilikti is-shara jasadyq.
Atap aıtqanda:
Qorymyzdyń kitaphana serııasymen demeýshilik jasap shyǵarǵan kitaptary:
Dáýletbek Baıtursynuly, "Erlik eskirmeıdi";
Dúısengúl Jaqan, "Halyq murasynyń janashyry(Z.Sánik shyǵarmashylyǵy jaıynda);
Roza Seıilhan, "Órik gúli";
"Barqytbel baýraıyndaǵy jyr"(Úrjar aqyndarynyń jınaǵy);
Nurtóre Júsip, "Jolyqqan jandar"; Aıjaryq Ábilqasymov, "Óleń-qudiret" kitaby. Sondaı-aq, "Qytaıdaǵy qazaq prozasynyń antologııasy" taıaý ýaqytta baspadan shyǵady.
Jazýshy, etnograf Zeınep Ahmetovnyń 150 kitabyn satyp alyp kitaphanalar men oqyrmandarǵa taratýdy uıymdastyrdyq. Budan tys, qalamgerler men ónerpazdarǵa ádebı kesh ótkizý, t,b jaǵynan qarjylaı qoldaý jasalýda.
Shilde aıynda Úrjarda Z.Sánik atyndaǵy kóshe ashylyp, respýblıkalyq aqyndar aıtysy ótkizildi. 50 ge jýyq aqyn, qalamger, óner jáne BAQ ókilderine shıpaly Alakólde 5 kúndik demalys uıymdastyrdyq.
Qazaq baspasózin qoldaý bıyl da jalǵasty. 1 mıllıon 200 myń teńgege "Ulan", "Aq jelken", "Baldyrǵan", "Qazaq ádebıeti", "Juldyz", "Jas alash", "Jas qazaq" gazetterine bir jylǵa jazdyrdyq. Ásirese balalar-jasóspirimder basylymyna kóbirek kóńil bólip, shalǵaıda jatqan Úrjar aýdanynyń 50 den astam mektebiniń kitaphanasyna rýhanı baılyq jetkizýge dáneker boldyq. Aýyldaǵy oqýshylar endi ózderi de gazet-jýrnalǵa jazylyp, maqala jarııalaı bastady. Demek, mańyzdy bir maqsat sátti oryndaldy degen sóz.
Qazirge deıin kórnekti jazýshy, etnogrf, baspager Zeınolla Sániktiń shyǵarmashylyǵyna qatysty 7 óńirdegi 11 joǵarǵy oqý ornynan 11 magıstrlik, 6 dıplomdyq jumys qorǵalyp, halyqaralyq-respýblıkalyq ǵylymı jınaqtardan maqalalar jaryq kórdi. Jas zertteýshiler men jetekshilerine syıaqy berip, shabyttandyrý - qordyń basty maqsaty. Bul baǵyttaǵy júıeli, josparly jumystar jalǵasady.
Tup-týra 1 jyl bolǵan "Amanat tv" ıýtýb arnasy arqyly áralýan mazmun men janrda 120 ǵa jýyq rýhanı-tárbıelik baǵyttaǵy baǵdarlama-sıýjet jasap kórermenge usyndyq. Onyń ishinde "Alash arýy" ulttyq baıqaýy qazaqy qundylyqtardy jastarǵa nasıhattaý men úıretýge arnalyp, jeńimpazdary aqshalaı júldege ıe boldy.
Bizdi qoldaǵandardy biz de qoldaı beremiz.
Árıne, bar qazaqty jarylqaı almaspyz, oǵan mıllııarttaǵan baılyǵy bar memlekettiń bıýdjeti de jetpeı jatyr. Degenmen, hal-qadirimizshe ultqa úzdiksiz qyzmet etýge daıynbyz!
Barshańyzdy elimizdegi eń uly - Táýelsizdik merekesimen quttyqtaımyz!
Bostandyq baqytymyz qııametke deıin baıandy bolǵaı!
Jarqyn Sálenuly,
Zeınolla Sánik atyndaǵy mádenıet qorynyń qyzmetkeri, jýrnalıst
