جالاقى جان باعۋعا جەتپەيدى: جەدەل-جاردەم قىزمەتكەرلەرى نارازىلىق ءبىلدىردى

2985
Adyrna.kz Telegram

شىمكەنتتىڭ جەدەل جاردەم جۇرگىزۋشىلەرى 22 جەلتوقساندا نارازىلىققا شىقتى. سەبەبى العان ازعانتاي جالاقىمىز جان باعۋعا جەتپەيدى. ونىڭ ۇستىنە كۇندە بۇزىلاتىن كولىكتەردى ءوزىمىز جوندەۋگە ءماجبۇرمىز دەيدى. ال ستانسا باسشىلىعى جۇرگىزۋشىلەر كوتەرگەن ماسەلەدەن بەيحابار بولىپ شىقتى، دەپ حابارلايدى “ادىرنا” ۇلتتىق پورتالى 31 ارنانىڭ

">“ينفورمبيۋرو” باعدارلاماسىنا سىلتەمە جاساپ. 

جەدەل جاردەم جۇرگىزۋشىلەرى تەز ارادا باسشىلىق جالاقىمىزدى كوتەرىپ بەرمەسە جۇمىسقا شىقپايمىز دەپ بەكىنىپ وتىر. سەبەبى قازىر الاتىن ايلىقتارى شايلىقتارىنا جەتپەيدى. ايتۋلارىنشا، مەديتسينالىق مەكەمە ۇسىنعان كولىكتەر دە ءجيى بۇزىلادى. ال ستانسادا قاجەتتى قوسالقى بولشەكتەر جوق ەكەن.

اشىنعان جۇرگىزۋشىلەر ستانسادا كولىكتىڭ جارىلعان دوڭگەلەگىن جامايتىن ۆۋلكانيزاتسيا دا جوق دەدى. ياعني كەيدە كولىكتىڭ جەلىن ۇرلەپ، دوڭگەلەگىن اۋىستىرۋ ءۇشىن ساعاتتاپ كەزەككە تۇرادى. سوزدەرىنشە، جۇمىس بابىنداعى مۇنداي قيىندىقتاردىڭ كەسىرىنەن كومەك كۇتكەن ناۋقاسقا جەدەل جەتۋ مۇمكىن ەمەس. ال قالالىق دەنساۋلىق ساقتاۋ باسقارماسىنىڭ باسشىسى جۇرگىزۋشىلەر ايتقان ماسەلەدەن حابارسىز بولىپ شىقتى. ءتىپتى جاقىندا عانا جاڭا كولىكتەر الدىق دەپ اقتالدى.

“ماعان جالاقى از، 200-300 مىڭ دەپ ونداي تالاپ قوياتىن سىزدەردىڭ ەشقانداي قۇقىقتارىڭىز جوق. سەبەبى بىزدە ءبارى زاڭمەن، نورماتيۆپەن بەكىتىلگەن. ناقتى كورسەتىڭىزدەر. وسى كۇنى مەن وسىنداي قوسالقى بولشەكتى ساتىپ الدىم، باسقاسىن. سەبەبى ونى ساتىپ الۋعا تەك قانا وسى جەدەل جاردەم پودستانساسىنان الۋ كەرەكسىز”، – دەيدى شىمكەنت قالالىق دەنساۋلىق ساقتاۋ باسقارماسىنىڭ باسشىسى باقىتجان پازىلوۆ. 

دەگەنمەن باسقارما باسشىسى جالاقى كەلەسى جىلدان باستاپ كوتەرىلەدى دەپ سەندىردى. سونداي-اق ار جۇرگىزۋشىگە 53 مىڭ تەڭگە كولەمىندە ۇستەماقى بەرىلەدى ەكەن. ال قوسالقى بولشەكتەردى ساتىپ الامىز دەگەن ۋاجدەرىنە قاتىستى ىشكى تەكسەرۋ جۇمىستارى باستالدى. 

“ادىرنا” ۇلتتىق پورتالى

پىكىرلەر