ەلىمىزدىڭ ەڭ ۇلىق مەرەكەسى تاۋەلسىزدىكتىڭ 30 جىلدىعى تۋرالى كوپتەگەن دۇنيەلەر جازىلىپ، ءىس-شارالار اتقارىلدى. وسى اتاۋلى مەرەكە اياسىندا ەلىمىزدەگى پارتيالىق جۇيەنىڭ دامۋ قورىتىندىلارى تۋرالى دا كوپ ايتىلدى.
ەندى قازاقستاننىڭ ساياسي تاريحىندا وزىندىك ورنى بار «Nur Otan» پارتياسىنىڭ قالىپتاسۋ تاريحىن تالداي وتىرىپ، بيلەۋشى پارتيا جۇمىسىنىڭ سوڭعى جىل قورىتىندىلارى تۋرالى ايتۋ ورىندى، ويتكەنى ءدال وسى جىلدار ىشىندە پارتيا تۇبەگەيلى ترانسفورماتسيادان ءوتتى.
سونىمەن، وتكەن تاريحقا كوز سالساق 1999 جىلى ەلدىڭ ساياسي ارەناسىندا «وتان» رەسپۋبليكالىق ساياسي پارتياسىنىڭ پايدا بولۋى (2006 جىلدان باستاپ «نۇر وتان» حالىقتىق-دەموكراتيالىق پارتياسى، 2013 جىلدان باستاپ «Nur Otan» پارتياسى), قازاقستاننىڭ جالپى پارتيالىق جۇيەسىنە ماڭىزدى اسەرىن تيگىزدى.
باسقا پارتيالاردى وزىنە بىرىكتىرۋ ارقىلى ەلدەگى پارتيالىق جۇيەنىڭ لوكوموتيۆىنە اينالعان «Nur Otan» پارتياسى ەلەكتوراتتىڭ داۋسىن جيناۋدا جوعارى كورسەتكىشتەرگە قول جەتكىزىپ كەلەدى.
وسى جىلدار ىشىندە بيلەۋشى پارتيانىڭ ساياسي تۇراقتىلىققا نەگىزدەلگەن، سالماقتى وي ەلەگىنەن وتكىزىلگەن ەۆوليۋتسيالىق رەفورمالارى مەن ەلەكتوراتپەن جۇرگىزىلگەن دايەكتى جۇمىستارى ناتيجەسىندە قازاقستاننىڭ ساياسي پارتيالىق جۇيەسىندە «Nur Otan» پارتياسى قاشاندا ءاربىر ازاماتتىڭ قاجەتتىلىگىن ەسكەرە وتىرىپ، جالپىۇلتتىق مىندەتتەردى شەشۋ بويىنشا يننوۆاتسيالىق يدەيالاردى، سىندارلى ۇسىنىستاردى شوعىرلاندىرعان، ەلدىڭ ءىرى ساياسي كۇشىنە اينالا ءبىلدى.
پارتيانىڭ سوڭعى ەكى جارىم جىلداعى مىنانداي ۇلكەن جەتىستىكتەرىن ەرەكشە اتاپ وتكىم كەلەدى.
«Nur Otan» پارتياسىنىڭ قازاقستاننىڭ پارتيالىق-ساياسي كەڭىستىگىنە ەنگىزگەن ەرەكشە جاڭالىعى - 2019 جىلى وتكىزگەن پرايمەريز. بيلەۋشى پارتيا پوست-كەڭەستىك مەملەكەتتەر اراسىندا العاش رەت پارتيالىق پرايمەريز وتكىزدى، وعان 10000 جۋىق قازاقستاندىق بەلسەنە قاتىستى. ناتيجەسىندە پارتيا فراكتسياسى 65 پايىزعا جاڭاردى. بۇل دەگەنىمىز - جاڭا وي، يدەيا، باستاما، وزگەرىس.
كوپتەگەن يدەولوگيالىق، الەۋمەتتىك - ەكونوميكالىق، جاستاردى قولداۋعا باعىتتالعان: «ۇلتتىق مۇرا»، «ارداگەرلەردى ارداقتايىق»، «باقىتتى وتباسى»، «جاستار وتانعا»، «Biz Birgemiz» سىندى پارتيالىق جوبالار حالىقتىڭ الەۋمەتتىك əلجۋاز توپتارىنا كۇندەلىكتى قامقورلىقتىڭ قاجەتتىلىگى تۋرالى قوعامدىق تۇسىنىك قالىپتاستىرۋعا باعىتتالىپ، ماڭىزدى ءىس-شارالار اتقارىپ كەلەدى.
سونىڭ جارقىن ءبىر دالەلى الەمدى شارلاعان ىندەت كەزىندە «Biz Birgemiz» اكتسياسى اياسىندا 34 ملرد تەڭگە جەكە قاراجات ەسەبىنەن 2,2 ملن ادام قامتىلىپ، 1 ملن-نان استام ادامعا ماتەريالدىق كومەك كورسەتىلگەن.
«Nur Otan» پارتياسىن نىعايتۋدا شەشۋشى ءرولدى 216 وڭىرلىك سايلاۋالدى باعدارلاماسى وتە ماڭىزدى بولىپ تابىلادى.
ءاربىر وبلىس دامىتۋدىڭ 7 باسىم باعىتىن ءوزىنىڭ سايلاۋالدى باعدارلاماسىندا ايقىندادى. ونىڭ باستى ماقساتى - حالىقتىڭ ءومىر ءسۇرۋ ساپاسى مەن الاۋقاتىن ۇنەمى جاقسارتۋ ءۇشىن جاعداي جاساۋ بولىپ تابىلادى.
ەلباسى تاپسىرماسى بويىنشا 216 وڭىرلىك سايلاۋالدى باعدارلامانىڭ ىسكە اسىرىلۋ بارىسىمەن تانىسۋ ءۇشىن اۋدانداردى دا قامتي وتىرىپ، ايماقتاردى ارالاۋ قاجەتتىلىگى قويىلعان ەدى. بۇگىندە پارتيا توراعاسىنىڭ ءبىرىنشى ورىنباسارى باۋىرجان بايبەك ءاربىر وڭىرلەردە پارتيا باعدارلاماسىنىڭ جۇزەگە اسۋىن ءجىتى باقىلاۋدا.
بيلەۋشى پارتيا ۇنەمى ادىستەمەلىك قۇرامىن جاڭارتىپ، ۋاقىت پەن ەلەكتورات تالابىنا ساي وزگەرىسكە بەيىمدەلە جاڭا دەڭگەيگە كوتەرىلىپ وتىرادى، مىسالى «Nur Otan» فراكتسياسىنىڭ دەپۋتاتتارىن كەشەندى تۇردە باعالاۋ بويىنشا دەپۋتاتتار رەيتينگىسىن قالىپتاستىرۋ ەرەجەسى ازىرلەنىپ بەكىتىلدى. ەندى رەيتينگ «Nur Otan» دەپۋتاتتارىن، ماسليحاتتارداعى حاتشىلار مەن فراكتسيالار باسشىلارىن قىزمەتىنىڭ ايقىندىعى مەن ەسەپتىلىگىنە باعىتتالعان مەديا بەلسەندىلىككە جانە جۇمىستىڭ تۇپكىلىكتى ناتيجەلەرىنە باعدارلايدى.
كەلەسى جىلدىڭ اقپان ايىنان باستاپ نۇروتاندىق دەپۋتاتتاردىڭ رەيتينگىسى جاريا فورماتتا جۇرگىزىلەدى. كەز كەلگەن ادام قالاۋىنشا ناقتى ۋاقىت رەجيمىندە حالىق قالاۋلىلارىنىڭ جۇمىسىمەن تانىسىپ، وزەكتى ماسەلەلەردى شەشۋ ءۇشىن سۇراقتار قويىپ، جاۋاپ الا الادى. جاڭا جۇيە اشىقتىق پەن جاريالىلىقتى اڭعارتادى. حالىق قالاۋلىلارىنىڭ ناقتى ىستەرىن كورسەتەدى.
Nur Otan» پارتياسىنىڭ تاريحىنداعى ەرەكشە بەتتەر رەتىندە قازاقستان پرەزيدەنتى مەن پارلامەنتى ءماجىلىسىنىڭ دەپۋتاتتارىن سايلاۋ بويىنشا وتكەن ناۋقانداردى ايتۋعا بولادى. 1999 جىلدان باستاپ پرەزيدەنتتىك سايلاۋ ناۋقاندارىنا قاتىسا وتىرىپ، «Nur Otan» پارتياسى ەلەكتورالدىق كۇرەسكە قاتىسۋدىڭ مول تاجىريبەسىن جيناقتادى. سايلاۋشىلار اراسىندا ستراتەگيا مەن جۇمىس تاكتيكاسىن ساۋاتتى قۇرا وتىرىپ، پارتيا وسى سايلاۋلاردىڭ تابىستى بولۋىنا ەلەۋلى ۇلەس قوسىپ كەلەدى. پارتيا سوڭعى سايلاۋدا جەرگىلىكتى حالىقتىڭ 82% داۋسىن الدى. اۋىل اكىمدەرىن سايلاۋدا پارتيا 87% اۋىلدىق وكرۋگتەردە جەڭىسكە جەتتى.
قورىتا كەلە، «Nur Otan» پارتياسىنىڭ قالىپتاسۋىنا، دامۋىنا جانە بەدەلىنىڭ ارتىپ قازاقستاننىڭ پارتيالىق جۇيەسىنىڭ يادروسىنا اينالۋىنا ونىڭ كوشباسشىسى ن.ءا.
نازارباەۆتىڭ قوسقان ۇلەسى ولشەۋسىز. ونىڭ باسشىلىعىمەن ەلدەگى قوعامدىق-ساياسي ومىرگە ۇدايى مونيتورينگ جانە جۇيەلىك تالداۋ جۇرگىزۋ ارقىلى ەلەكتوراتپەن پارتيالىق جۇمىستىڭ جاڭا ادىستەمەلەرىن ەنگىزۋ، جاڭا مىندەتتەر قويۋ ناتيجەسىندە پارتيا تاۋەلسىز قازاقستاننىڭ جەتەكشى ساياسي كۇشىنە اينالىپ كەلەدى.
مەرۋەرت تۇلەباەۆا،
ساراپشى
