الماتى قالاسى الاتاۋ اۋداندىق سوتى قوعام بەلسەندىسى سەرىكجان بىلاشقا ىزدەۋ جاريالاۋ تۋرالى وسى اۋداننىڭ پروباتسيالىق باقىلاۋ قىزمەتى تۇسىرگەن شاعىمدى قاراپ، قاناعاتتاندىرماي تاستادى، دەپ حابارلايدى “ادىرنا” ۇلتتىق پورتالى ازاتتىق. سايتىنا سىلتەمە جاساپ.
الاتاۋ اۋداندىق پروباتسيالىق باقىلاۋ قىزمەتى بۇعان دەيىن سەرىكجان ءبىلاشتى ىزدەۋ جاريالاۋ تۋرالى سوتقا شاعىم تۇسىرگەن بولاتىن.
ونلاين سوت وتىرىسىندا الماتى قالاسى الاتاۋ اۋداندىق پروباتسيالىق قىزمەت وكىلى "سەرىكجان بياش قىلمىستىق اتقارۋ كودەكسىنىڭ 74 بابى ("بەلگiلi بiر لاۋازىمدى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان ايىرۋ تۇرiندەگi جازانى وتەۋ شارتتارى") نەگىزىندە كورسەتىلگەن تالاپتاردى ورىنداماعانىن، ياعني بەلسەندىنىڭ مەكەن-جايىن رۇقساتسىز اۋىستىرعانىن، شەتەلگە ەسكەرتپەي كەتكەنىن جانە ءار توقسان سايىن پروباتسيالىق باقىلاۋ قىزمەتىنە ەسەپ بەرۋگە ءتيىس ەكەنىن" ايتتى.
ونلاين سوتقا اقش-تا وتىرىپ قاتىسقان سەرىكجان ءبىلاش بۇل شاعىمدى ورىنسىز دەپ سانايتىنىن ءبىلدىردى. ونىڭ قورعاۋشىسى شىنقۋات بايجانوۆتىڭ سوزىنشە، "الاتاۋ اۋداندىق پروباتسيا باقىلاۋ قىزمەتى قاتەلەسىپ وتىر. ويتكەنى اۋەزوۆ اۋداندىق سوتى 2019 جىلى تامىز ايىندا شىعارعان ۇكىم بويىنشا سەرىكجان ءبىلاشتىڭ باس بوستاندىعى التى ايعا شەكتەلگەن، بىراق سوتقا دەيىن 3 اي قاماۋدا وتىرعانى ەسكەرىلىپ، شەكتەۋ مەرزىمى 3 اي 12 كۇنگە قىسقارعان. تەك سول ۋاقىتتا عانا ول پروباتسيا قىزمەتىنە بارىپ تىركەلۋگە مىندەتتى".
- سەرىكجان ءبىلاش 3 اي 12 كۇننەن كەيىن پروباتسيا باقىلاۋىنان شىقتى. سوت ۇكىمىندە "7 جىل قوعامدىق ۇيىمعا باسشىلىق ەتۋىنە بولمايدى" دەگەن دە شەشىم بار. پروباتسيا باقىلاۋى ونى دا تەكسەرەدى. بىراق سەرىكجان ءبىلاش 3 اي 12 كۇن شەكتەۋ مەرزىمى اياقتالعاننان كەيىن قازاقستاننان شەتەلگە كەتىپ قالدى. ونىڭ الدەبىر ۇيىمعا جەتەكشىلىك ەتە الاتىنىن، نە جەتەكشىلىك ەتە المايتىنىن ءوزى جۇرگەن ەلدىڭ زاڭى قارايدى،- دەدى شىنقۋات بايجانوۆ.
شىڭجاڭداعى قازاقتاردىڭ قىسىمعا ۇشىراۋ ماسەلەسىن كوتەرىپ، ولاردىڭ قۇقىقتارىن قورعاۋمەن اينالىسقان، تىركەلمەگەن “اتاجۇرت ەرىكتىلەرى” ۇيىمىنىڭ جەتەكشىسى سەرىكجان ءبىلاش قۇقىق قورعاۋ ورگاندارىنان قىسىم كورگەنىن ايتىپ، قازاقستاننان كەتكەن بولاتىن.
كەيىن ازاتتىققا بەرگەن سۇحباتىندا "ەلدەن كەتۋىمە وسى ەكى قىلمىستىق ءىستىڭ قوزعالۋى دا تۇرتكى بولدى" ("الەۋمەتتىك الاۋىزدىق قوزدىرۋ", 174-باپ جانە "وزىنشە بيلىك ەتۋ", 389-باپ) دەپ مالىمدەگەن.
بۇعان دەيىن ونىڭ ۇستىنەن قوزعالعان ەكى قىلمىستىق ءىستىڭ بىرەۋى توقتاتىلعانى حابارلاعان.
بەلسەندى 2019 جىلى قىلمىستىق كودەكستىڭ 174-بابى ("الەۋمەتتىك الاۋىزدىق قوزدىرۋ") بويىنشا ايىپتالىپ، پروتسەسسۋالدىق كەلىسىمنەن كەيىن بوساتىلعان. سوت ونى 7 جىل قوعامدىق ۇيىمعا جەتەكشىلىك ەتۋگە تىيىم سالعان.
”ادىرنا” ۇلتتىق پورتالى
