Almaty qalasy Alataý aýdandyq soty qoǵam belsendisi Serikjan Biláshqa izdeý jarııalaý týraly osy aýdannyń probaııalyq baqylaý qyzmeti túsirgen shaǵymdy qarap, qanaǵattandyrmaı tastady, dep habarlaıdy “Adyrna” ulttyq portaly Azattyq. saıtyna silteme jasap.
Alataý aýdandyq probaııalyq baqylaý qyzmeti buǵan deıin Serikjan Biláshti izdeý jarııalaý týraly sotqa shaǵym túsirgen bolatyn.
Onlaın sot otyrysynda Almaty qalasy Alataý aýdandyq probaııalyq qyzmet ókili "Serikjan Bııash Qylmystyq atqarý kodeksiniń 74 baby ("Belgili bir laýazymdy atqarý nemese belgili bir qyzmetpen aınalysý quqyǵynan aıyrý túrindegi jazany óteý sharttary") negizinde kórsetilgen talaptardy oryndamaǵanyn, ıaǵnı belsendiniń meken-jaıyn ruqsatsyz aýystyrǵanyn, shetelge eskertpeı ketkenin jáne ár toqsan saıyn probaııalyq baqylaý qyzmetine esep berýge tıis ekenin" aıtty.
Onlaın sotqa AQSh-ta otyryp qatysqan Serikjan Bilásh bul shaǵymdy orynsyz dep sanaıtynyn bildirdi. Onyń qorǵaýshysy Shynqýat Baıjanovtyń sózinshe, "Alataý aýdandyq probaııa baqylaý qyzmeti qatelesip otyr. Óıtkeni Áýezov aýdandyq soty 2019 jyly tamyz aıynda shyǵarǵan úkim boıynsha Serikjan Biláshtiń bas bostandyǵy alty aıǵa shektelgen, biraq sotqa deıin 3 aı qamaýda otyrǵany eskerilip, shekteý merzimi 3 aı 12 kúnge qysqarǵan. Tek sol ýaqytta ǵana ol probaııa qyzmetine baryp tirkelýge mindetti".
- Serikjan Bilásh 3 aı 12 kúnnen keıin probaııa baqylaýynan shyqty. Sot úkiminde "7 jyl qoǵamdyq uıymǵa basshylyq etýine bolmaıdy" degen de sheshim bar. Probaııa baqylaýy ony da tekseredi. Biraq Serikjan Bilásh 3 aı 12 kún shekteý merzimi aıaqtalǵannan keıin Qazaqstannan shetelge ketip qaldy. Onyń áldebir uıymǵa jetekshilik ete alatynyn, ne jetekshilik ete almaıtynyn ózi júrgen eldiń zańy qaraıdy,- dedi Shynqýat Baıjanov.
Shyńjańdaǵy qazaqtardyń qysymǵa ushyraý máselesin kóterip, olardyń quqyqtaryn qorǵaýmen aınalysqan, tirkelmegen “Atajurt eriktileri” uıymynyń jetekshisi Serikjan Bilásh quqyq qorǵaý organdarynan qysym kórgenin aıtyp, Qazaqstannan ketken bolatyn.
Keıin Azattyqqa bergen suhbatynda "elden ketýime osy eki qylmystyq istiń qozǵalýy da túrtki boldy" ("Áleýmettik alaýyzdyq qozdyrý", 174-bap jáne "Ózinshe bılik etý", 389-bap) dep málimdegen.
Buǵan deıin onyń ústinen qozǵalǵan eki qylmystyq istiń bireýi toqtatylǵany habarlaǵan.
Belsendi 2019 jyly Qylmystyq kodekstiń 174-baby ("áleýmettik alaýyzdyq qozdyrý") boıynsha aıyptalyp, proessýaldyq kelisimnen keıin bosatylǵan. Sot ony 7 jyl qoǵamdyq uıymǵa jetekshilik etýge tyıym salǵan.
”Adyrna” ulttyq portaly
