ەتنوگرافتاردىڭ ايتۋىنشا، «كوكپار» ءسوزىنىڭ اۋەلگى اتاۋى «كوك ءبورى» سوزىنەن شىققان. مال باققان كوشپەلىلەر كوك ءبورىنى سوعىپ الىپ، ونى ات ۇستىندە ءجۇرىپ ءبىر-بىرىنەن الا قاشىپ، ءماز-مەيرام بولعان. كەيىن ول ۇلتتىق ويىنعا اينالادى.
"كوكپار" دەگەن ءسوز "كوك" جانە ء"بورى" دەگەن ەكى ەسىم ءسوزدىڭ كىرىگۋىنەن پايدا بولدى، - دەگەن ويدى ا. قاليۇلى ايتىپ وتەدى: "كوكپار تارتۋ - اسكەري جاتتىعۋلاردىڭ ءبىر ءتۇرى. تۇرىك قاعاناتىنداعى "دەربەس ءبورى جاساق" دەگەنىمىز وسىنداي جاتتىعۋدان ءوتىپ سايلانعان باتىرلار توبى ەدى", - دەپ تۇجىرىمدايدى.
مال باققان كوشپەلىلەر كوك ءبورىنى سوعىپ الىپ، ونى ات ۇستىندە ءجۇرىپ ءبىر-بىرىنەن الا قاشىپ، ءماز-مەيرام بولعان.
ال، اكادەميك ءا.ح. مارعۇلان: «سىرداريا مەن ارال بويىن مەكەندەگەن ساق تايپالارى جىلسايىن قاسقىر توتەمىنىڭ قۇرمەتىنە ارناپ، قاتىسۋشىلارى قاسقىر تەرىسىن جامىلىپ، ماسكا كيەتىن اتتى-سپورتتىق مەيرام ۇيىمداستىراتىن. بۇل ءداستۇر تۇرىك-موڭعول تايپالارىندا كۇنى بۇگىنگە دەيىن ساقتالدى. قازاق، تۇرىكمەن، قىرعىز ەلدەرىندە بۇل ويىن "كوكپار - كوك ءبورى" دەگەن اتاۋمەن ساقتالعان. "كوكپار" اتتى ويىننىڭ قازاق حالقىنداعى ءبىر ۆاريانتى "قىز ءبورى" - قاسقىر تەرىسى مەن قاسقىر ماسكاسىن كيەتىن ءداستۇرلى ساق ويىنىنىڭ موديفيكاتسياسى بولىپ تابىلادى»- دەپ ويىنعا عۇرىپتىق ءمان بەرەدى.
silteme.kz
