عالىمدار ايەلدەر ءۇشىن الكوگولدى شامادان تىس تۇتىنۋى ءۇشىن ءبىر عانا سترەسس فاكتورى جەتكىلىكتى ەكەنىن انىقتادى. بۇل تۋرالى ماقالا Psychology of Addictive Behaviors جۋرنالىندا جاريالانعان.
زەرتتەۋدى دجۋلي پاتوك-پەكحەم باستاعان اريزونا ۋنيۆەرسيتەتىنىڭ عالىمدارى جۇرگىزدى. تاجىريبە بارىسىندا قاتىسۋشىلار سترەسستىك جانە سترەسستىك ەمەس كۇيدە وتىرىپ، ترەناجەر بارىندا الكوگول ىشكەن. ءبىر عانا سترەسس فاكتورى ەركەكتەردى ەمەس، ايەلدەردى كوپ ىشۋگە ءماجبۇر ەتكەن.
«كەيبىر ادامدار ءبىر نەمەسە ەكى بوكال ءىشىپ، سونىمەن قويۋى مۇمكىن، بىراق ايەلدەردىڭ كوبى وزدەرى بەلگىلەگەن شەكتى ۇستاي المايدى. ىشىمدىككە باقىلاۋدى جوعالتۋ الكوگول پروبلەمالارىنىڭ ەڭ العاشقى كورسەتكىشتەرىنىڭ ءبىرى بولىپ تابىلادى جانە ونداعى سترەسستىڭ ءرولى سالىستىرمالى تۇردە از زەرتتەلگەن»، - دەيدى ماقالا اۆتورلارى.
زەرتتەۋگە كۇيزەلىسكە ۇشىراعان جانە پسيحيكاسى مەن دەنى ساۋ 105 ەر ادام مەن 105 ايەل قاتىسقان. ولار كەزدەيسوق تۇردە توپتارعا بولىنگەن: ولاردىڭ بىرىنە باسىندا الكوگولدىك سۋسىندار، ەكىنشىسىنە الكوگولسىز سۋسىندار بەرىلەدى. سودان كەيىن قاتىسۋشىلار 90 مينۋت بويى بارعا شەكتەۋسىز قول جەتكىزە الادى.
ناتيجەسىندە كۇيزەلىسكە ۇشىراعان ادامداردىڭ تىم كوپ ىشۋگە بەيىم ەكەندىگى انىقتالدى، بىراق بۇل جەردە ايتارلىقتاي جىنىستىق ايىرماشىلىق بار. ماسەلەن، سترەسسكە ۇشىراعان ەرلەر باستاپقى سۋسىنداردان الدىن الا ماس بولعان جاعدايدا عانا ىشۋگە بەيىم بولعان. ەگەر باستاپقى سۋسىندار الكوگولسىز بولسا، وندا الكوگولدى تۇتىنۋدىڭ سترەسسكە تاۋەلدىلىگى از. ال ايەلدەر ءۇشىن بۇلاي بولمادى: ولاردىڭ جاعدايىندا باستاپقىدا نە ىشكەنى ماڭىزدى ەمەس.
«ادىرنا» ۇلتتىق پورتالى.
