يسپاندىق ماماندار كاديس ماڭىندا سۋ باسقان ەجەلگى عيباداتحانانى تاپتى. ول عيباداتحانا گەركۋلەسپەن سايكەستەندىرىلگەن فينيكيالىق قۇداي مەلكارتتىڭ اڭىزعا اينالعان عيباداتحاناسىنا تيەسىلى بولۋى مۇمكىن دەپ حابارلايدى Diario de Cadiz گازەتى.
گادەستەگى گەركۋلەس عيباداتحاناسى (كاديستىڭ كونە اتاۋى) ەجەلگى داۋىردەگى ەڭ ايگىلى كيەلى ورىنداردىڭ ءبىرى بولعان. ول تۋرالى سترابون، سيلي يتاليك جانە فيلوسترات جازعان. سۆەتونيدىڭ ايتۋىنشا، يۋلي تسەزار ءدال وسى عيباداتحانادا الەكساندر ماكەدونسكيدىڭ ءمۇسىنىن كورگەن، سودان كەيىن ول ءوز ءومىرىن ۇلى ىستەردى ورىنداۋعا ارناۋدى شەشكەن. الايدا، وسى ۋاقىتقا دەيىن بۇل عيماراتتىڭ ناقتى قايدا ەكەنى انىقتالعان ەمەس.
ەجەلگى عيباداتحانا سان-فەرناندو مەن چيكلانا مۋنيتسيپاليتەتتەرى اراسىنداعى كانو دە سانكتي پەتري كانالىنىڭ ساعاسىنان تابىلدى. بۇل ۇزىندىعى 150 مەتر، ەنى 300 مەتر مونۋمەنتالدى عيمارات.
گەركۋلەس عيباداتحاناسىنىڭ اشىلعان نۇسقاسىن راستاۋ ءۇشىن قۇرلىقتا دا، سۋ استىندا دا ودان ءارى ارحەولوگيالىق زەرتتەۋلەر، سونداي-اق پالەوەكولوگيالىق ۇلگىلەردى تاڭداۋمەن تولىقتىرىلعان ارنايى گەوارحەولوگيالىق تالداۋ قاجەت بولادى.
"ادىرنا" ۇلتتىق پورتالى
