Ispandyq mamandar Kadıs mańynda sý basqan ejelgi ǵıbadathanany tapty. Ol ǵıbadathana Gerkýlespen sáıkestendirilgen fınıkııalyq qudaı Melkarttyń ańyzǵa aınalǵan ǵıbadathanasyna tıesili bolýy múmkin dep habarlaıdy Diario de Cadiz gazeti.
Gadestegi Gerkýles ǵıbadathanasy (Kadıstiń kóne ataýy) ejelgi dáýirdegi eń áıgili kıeli oryndardyń biri bolǵan. Ol týraly Strabon, Sılıı Italık jáne Fılostrat jazǵan. Svetonııdiń aıtýynsha, Iýlıı ezar dál osy ǵıbadathanada Aleksandr Makedonskııdiń músinin kórgen, sodan keıin ol óz ómirin uly isterdi oryndaýǵa arnaýdy sheshken. Alaıda, osy ýaqytqa deıin bul ǵımarattyń naqty qaıda ekeni anyqtalǵan emes.
Ejelgi ǵıbadathana San-Fernando men Chıklana mýnııpalıtetteri arasyndaǵy Kano de Sanktı Petrı kanalynyń saǵasynan tabyldy. Bul uzyndyǵy 150 metr, eni 300 metr monýmentaldy ǵımarat.
Gerkýles ǵıbadathanasynyń ashylǵan nusqasyn rastaý úshin qurlyqta da, sý astynda da odan ári arheologııalyq zertteýler, sondaı-aq paleoekologııalyq úlgilerdi tańdaýmen tolyqtyrylǵan arnaıy geoarheologııalyq taldaý qajet bolady.
"Adyrna" ulttyq portaly
