اتىراۋ وبلىسى اكىمىنىڭ ورىنباسارى باقىتگۇل حامەنوۆا ۇلى اقىن ابايدىڭ ەسكەرتكىشىن ورناتۋعا بولىنگەن قارجىنى جىمقىرعانى ءۇشىن ۇستالعان بولاتىن. وسىعان بايلانىستى دايىن تۇرعان ەسكەرتكىشتىڭ اشىلۋ سالتاناتى كەيىنگە قالدىرىلدى، دەپ حابارلايدى “ادىرنا” ۇلتتىق پورتالى Azattyq Rýhy سايتىنا سىلتەمە جاساپ.
ايتا كەتەيىك، اباي قۇنانباەۆقا ەسكەرتكىش ورناتۋ تۋرالى ۇسىنىس 2018 جىلدىڭ 5 ساۋىرىندە اتىراۋ وبلىسىنىڭ تاريح جانە مادەنيەت ەسكەرتكىشىن قورعاۋ جونىندەگى كوميسسيا وتىرىسىندا ماقۇلدانىپ، مادەنيەت مينيسترلىگىنە جولدانعان. ال مادەنيەت جانە سپورت مينيسترلىگى 17 شىلدەدە ۇسىنىستى ماقۇلداۋ تۋرالى شەشىم شىعاردى.
ودان كەيىن ابايدىڭ ءمۇسىنىن جاساۋعا جاريالانعان بايقاۋدا ءمۇسىنشى اسقار نارتوۆتىڭ تۋىندىسى جەڭىپ شىقتى.
قازىرگى ۋاقىتتا ۇلى اقىننىڭ ەسكەرتكىشى دايىن تۇر. قولادان جاسالعان ەسكەرتكىشتىڭ سالماعى – 5 توننا، بيىكتىگى – 11 مەتر.
باقىتگۇل حامەنوۆا ۇستالعاننان كەيىن ەسكەرتكىشتىڭ اشىلۋ ءراسىمى 27 جەلتوقسانعا اۋىستىرىلدى.
”ادىرنا” ۇلتتىق پورتالى
