Atyraý oblysy ákiminiń orynbasary Baqytgúl Hamenova uly aqyn Abaıdyń eskertkishin ornatýǵa bólingen qarjyny jymqyrǵany úshin ustalǵan bolatyn. Osyǵan baılanysty daıyn turǵan eskertkishtiń ashylý saltanaty keıinge qaldyryldy, dep habarlaıdy “Adyrna” ulttyq portaly Azattyq Rýhy saıtyna silteme jasap.
Aıta keteıik, Abaı Qunanbaevqa eskertkish ornatý týraly usynys 2018 jyldyń 5 sáýirinde Atyraý oblysynyń tarıh jáne mádenıet eskertkishin qorǵaý jónindegi komıssııa otyrysynda maquldanyp, Mádenıet mınıstrligine joldanǵan. Al Mádenıet jáne sport mınıstrligi 17 shildede usynysty maquldaý týraly sheshim shyǵardy.
Odan keıin Abaıdyń músinin jasaýǵa jarııalanǵan baıqaýda músinshi Asqar Nartovtyń týyndysy jeńip shyqty.
Qazirgi ýaqytta uly aqynnyń eskertkishi daıyn tur. Qoladan jasalǵan eskertkishtiń salmaǵy – 5 tonna, bıiktigi – 11 metr.
Baqytgúl Hamenova ustalǵannan keıin eskertkishtiń ashylý rásimi 27 jeltoqsanǵa aýystyryldy.
”Adyrna” ulttyq portaly
