قازاقستاندا ءىرى قارا مال باسى ازايۋدا

3546
Adyrna.kz Telegram

ۇلتتىق ستاتيستيكا بيۋروسى اعىمداعى جىلدىڭ 1 قاراشاسى مەن 1 جەلتوقسانى ارالىعىنداعى ءىرى قارا مال باسىنىڭ ازايۋى تۋرالى مالىمەتتەردى ۇسىندى، دەپ حابارلايدى “ادىرنا” ۇلتتىق پورتالى وردا.كز سايتىنا سىلتەمە جاساپ. 

2021 جىلعى 1 جەلتوقسانداعى جاعداي بويىنشا قازاقستان رەسپۋبليكاسىنىڭ شارۋاشىلىقتارىنىڭ بارلىق ساناتتارىندا ءىرى قارا مال باسى 8112,8 مىڭ باستى قۇرادى، ونىڭ ىشىندە 4300,2 مىڭ سيىر بولدى. ال 2021 جىلدىڭ 1 قاراشاسىنا 8368,3 مىڭ باس ءىرى قارا مال بولعان.

2021 جىلدىڭ 1 جەلتوقسانىنا جىلقى سانى 3256,1 مىڭ باستان (2021 جىلعى 1 قاراشادا – 3331,1 مىڭ باس), تۇيە – 239,8 مىڭ باسقا (242,5 مىڭ باس), قوي – 18, 8 ملن باسقا (19,5 ملن. باس) ازايدى، ەشكى – 2353,0 مىڭ باس (2446 مىڭ باس), شوشقا – 902,6 مىڭ باس (937,2 مىڭ باس) جانە قۇس 50,2 ملن باسقا (50,4 ملن باس) ازايىپ وتىر.

2021 جىلدىڭ 1 جەلتوقسانىنا شارۋا قوجالىقتارىنىڭ بارلىق ساناتتارى بويىنشا وتكەن جىلدىڭ سايكەس كۇنىمەن سالىستىرعاندا جىلقى 10,2%-عا، ءىرى قارا مال – 5%-عا، تۇيە – 4,6%-عا، قوي – 3%-عا، ەشكى – 3%-عا ءوستى. 0,2%-عا، قۇس ەتى 10,9%-عا، شوشقا سانى 1,2%-عا ازايدى.

2021 جىلعى 1 جەلتوقسانداعى جاعداي بويىنشا ءىرى قارا مالدىڭ 51,5%-ى ءۇي شارۋاشىلىعىندا; 38,8% – شارۋا نەمەسە فەرمەر قوجالىقتارىندا جانە جەكە كاسىپكەرلەردە; 9,7% – اۋىل شارۋاشىلىعى كاسىپورىندارىندا; قوي بويىنشا – تيىسىنشە 48,9%، 45,3% جانە 5,8%; ەشكى – 64,6%، 34,4% جانە 1%; شوشقا – 59,6%، 11,4% جانە 29%; قۇس – 27,7%، 1,4% جانە 70,9% بولعان.

2021 جىلعى قاڭتار-قاراشادا شارۋا قوجالىقتارىندا سويۋ نەمەسە مال مەن قۇستىڭ بارلىق تۇرلەرىن سويۋعا ساتۋ كولەمى ءتىرى سالماقتا 1 830,4 مىڭ توننا بولدى. بۇل وتكەن جىلدىڭ سايكەس كەزەڭىمەن سالىستىرعاندا 5,7%-عا ارتىق، تيىسىنشە سيىر ءسۇتىن ءوندىرۋ  – 5817,3 مىڭ توننا، ياعني 3,2%  قۇرادى. تاۋىق جۇمىرتقاسىن ءوندىرۋ 6,2%-عا تومەندەپ، 4408,4 ملن. دانا بولدى.

11 ايدا مال شارۋاشىلىعىنىڭ جالپى ءونىمىنىڭ كولەمى 2 737,9 ملرد تەڭگەنى قۇراپ، ءبىر جىل بۇرىنعى كورسەتكىشتەن 3,8 پايىزعا ارتتى.

”ادىرنا” ۇلتتىق پورتالى

پىكىرلەر