اقتاۋدا كوپ بالالى وتباسىلار باسپانالى بولدى

1950
Adyrna.kz Telegram

ەل تاۋەلسىزدىگىنىڭ 30 جىلدىعى مەرەكەسى تۇسىندا اقتاۋداعى 53 كوپ بالالى وتباسىعا «نۇرلى جەر» مەملەكەتتىك باعدارلاماسى اياسىندا جاڭا پاتەر كىلتى تابىستالدى،-دەپ حابارلادى اقتاۋ قالاسى اكىمىنىڭ ءباسپاسوز قىزمەتى.

2 بولمەلى جالدامالى جاڭا پاتەرلەر وبلىس ورتالىعىنداعى جاڭا بوي كوتەرگەن 19 شاعىناۋداننان بەرىلدى.

باسپانا كىلتىن تابىستاعان قالا اكىمىنىڭ ورىنباسارى ابىلقايىر بايپاقوۆ:
- بۇگىن ءبارىمىز ءۇشىن دە ۇلكەن ءارى قۋانىشتى وقيعا. ەلىمىز تاۋەلسىزدىگىن العالى حالىقتى باسپانامەن قامتۋدىڭ بىرنەشە باعدارلاماسى جاسالدى. ءۇي الۋدىڭ جاڭا مۇمكىندىكتەرى قاراستىرىلدى. وسىلايشا مىڭداعان وتباسى قونىس تويىن تويلادى. ەلباسىنىڭ ءاربىر قازاقستاندىق مەملەكەت قامقورلىعىن سەزىنۋى ءتيىس دەگەن باستاماسىن بۇگىندە مەملەكەت باسشىسى ءساتتى جالعاستىرىپ كەلەدى.
مىنە، بۇگىن تاعى بىرنەشە وتباسىنىڭ قۋانىشىنا كۋا بولىپ تۇرمىز. بۇگىنگى جالدامالى باسپانا جەكەشەلەندىرۋگە جاتپايدى. اي سايىن زاڭمەن بەلگىلەنگەن مولشەردە از سوما تولەيدى. جاڭا شاڭىراقتارىڭىز شاتتىققا تولى بولسىن - دەدى.

كوپبالالى وتباسىن باسپانامەن قامتاماسىز ەتۋ ءۇشىن مەملەكەت قازىناسىنان 790 ملن تەڭگە قاراجات ءبولىندى. وسى ماقساتتا قالا اكىمدىگى كاسىپكەرلىك سۋبەكتىسىنە جاتپايتىن جەكە تۇلعالاردان 53 تۇرعىن ءۇي ساتىپ الىپ، 2003 جىلدان 2013 جىلعا دەيىنگى «تۇرعىن ءۇي قاتىناستارى تۋرالى» قازاقستان رەسپۋبليكاسىنىڭ زاڭىنا سايكەس كەزەكتە تۇرعان تۇرمىسى تومەن 7 كوپبالالى وتباسىعا تابىستالدى.
قالعان پاتەرلەر ءۇشىن قابىلدانعان قۇجاتتاردى تەكسەرۋ جۇمىستارى جۇرگىزىلۋدە.

"ادىرنا" ۇلتتىق پورتالى

پىكىرلەر