Aqtaýda kóp balaly otbasylar baspanaly boldy

1952
Adyrna.kz Telegram

El Táýelsizdiginiń 30 jyldyǵy merekesi tusynda Aqtaýdaǵy 53 kóp balaly otbasyǵa «Nurly jer» memlekettik baǵdarlamasy aıasynda jańa páter kilti tabystaldy,-dep habarlady Aqtaý qalasy ákiminiń baspasóz qyzmeti.

2 bólmeli jaldamaly jańa páterler oblys ortalyǵyndaǵy jańa boı kótergen 19 shaǵynaýdannan berildi.

Baspana kiltin tabystaǵan qala ákiminiń orynbasary Ábilqaıyr Baıpaqov:
- Búgin bárimiz úshin de úlken ári qýanyshty oqıǵa. Elimiz táýelsizdigin alǵaly halyqty baspanamen qamtýdyń birneshe baǵdarlamasy jasaldy. Úı alýdyń jańa múmkindikteri qarastyryldy. Osylaısha myńdaǵan otbasy qonys toıyn toılady. Elbasynyń árbir qazaqstandyq memleket qamqorlyǵyn sezinýi tıis degen bastamasyn búginde Memleket basshysy sátti jalǵastyryp keledi.
Mine, búgin taǵy birneshe otbasynyń qýanyshyna kýá bolyp turmyz. Búgingi jaldamaly baspana jekeshelendirýge jatpaıdy. Aı saıyn zańmen belgilengen mólsherde az soma tóleıdi. Jańa shańyraqtaryńyz shattyqqa toly bolsyn - dedi.

Kópbalaly otbasyn baspanamen qamtamasyz etý úshin memleket qazynasynan 790 mln teńge qarajat bólindi. Osy maqsatta qala ákimdigi kásipkerlik sýbektisine jatpaıtyn jeke tulǵalardan 53 turǵyn úı satyp alyp, 2003 jyldan 2013 jylǵa deıingi «Turǵyn úı qatynastary týraly» Qazaqstan Respýblıkasynyń Zańyna sáıkes kezekte turǵan turmysy tómen 7 kópbalaly otbasyǵa tabystaldy.
Qalǵan páterler úshin qabyldanǵan qujattardy tekserý jumystary júrgizilýde.

"Adyrna" ulttyq portaly

Pikirler