شىمكەنت قالاسىنىڭ اكىمى مۇرات ايتەنوۆ مادەنيەت، تىلدەردى دامىتۋ جانە ارحيۆتەر باسقارماسىنىڭ وسى جىلدىڭ ءى جارتىجىلدىعىندا اتقارعان جۇمىستارىنىڭ ەسەبىن تىڭدادى.
جيىندا باسقارما باسشىسى ح.ەسەنوۆا 6 ايدىڭ قورىتىندىسى بويىنشا ينديكاتورلاردىڭ ورىندالۋى 98,7% قۇراپ، وسى ۋاقىتقا جوسپارلانعان قارجى تولىعىمەن يگەرىلگەنىن اتاپ ءوتتى.
ەسەپتى كەزەڭدە قالاداعى مەملەكەتتىك ءتىلدى مەڭگەرگەن تۇرعىنداردىڭ ۇلەسى 93%، ورىس ءتىلىن مەڭگەرگەن تۇرعىنداردىڭ ۇلەسى 86,5%، ال اعىلشىن ءتىلىن مەڭگەرگەن تۇرعىنداردىڭ ۇلەسى 22,3 پايىزدىق كورسەتكىشتەرگە قول جەتكىزىلدى.
ايتا كەتەيىك، شىمكەنت قالالىق تىلدەردى وقىتۋ-ادىستەمەلىك ورتالىعىندا 14 مۇعالىم جۇمىس ىستەيدى. ونىڭ 7-ءى قازاق ءتىلى، 2-ءى ورىس ءتىلى، 5-ءى اعىلشىن ءتىلى مۇعالىمى. 14 مۇعالىم جىلىنا 1120 ادامدى كۋرستان وتكىزەدى. ءار مۇعالىم 4 توپتان الىپ جۇرەدى. ءبىر توپتا 10 ادام. ءبىر جىلدا ءبىر مۇعالىم 80 ادامدى وقىتادى.
باسقارما باسشىسى بۇل باعىتتا 169 كوممەرتسيالىق نىسان يەلەرىنە ءتۇسىندىرۋ جۇمىستارى جۇرگىزىلىپ، ناتيجەسىندە 102 جارناما تاقتايشالارى رەتكە كەلتىرىلگەنىن اتاپ ءوتتى. سونىمەن بىرگە 4 اۋدان اۋماعىندا جەدەل بايلانىس نومىرلەرى كورسەتىلگەن اقپارتاتتىق تاقتايشالار ورناتىلعان.
