Táýelsizdik jemisi: memlekettik tildi meńgergender úlesi — 93 paıyz

936
Adyrna.kz Telegram

Shymkent qalasynyń ákimi Murat Áıtenov mádenıet, tilderdi damytý jáne arhıvter basqarmasynyń osy jyldyń I jartyjyldyǵynda atqarǵan jumystarynyń esebin tyńdady.

Jıynda basqarma basshysy H.Esenova 6 aıdyń qorytyndysy boıynsha ındıkatorlardyń oryndalýy 98,7% qurap, osy ýaqytqa josparlanǵan qarjy tolyǵymen ıgerilgenin atap ótti.

Esepti kezeńde qaladaǵy memlekettik tildi meńgergen turǵyndardyń úlesi 93%, orys tilin meńgergen turǵyndardyń úlesi 86,5%, al aǵylshyn tilin meńgergen turǵyndardyń úlesi 22,3 paıyzdyq kórsetkishterge qol jetkizildi.

Aıta keteıik, Shymkent qalalyq tilderdi oqytý-ádistemelik ortalyǵynda 14 muǵalim jumys isteıdi. Onyń 7-i qazaq tili, 2-i orys tili, 5-i aǵylshyn tili muǵalimi. 14 muǵalim jylyna 1120 adamdy kýrstan ótkizedi. Ár muǵalim 4 toptan alyp júredi. Bir topta 10 adam. Bir jylda bir muǵalim 80 adamdy oqytady.

Basqarma basshysy bul baǵytta 169 kommerııalyq nysan ıelerine túsindirý jumystary júrgizilip, nátıjesinde 102 jarnama taqtaıshalary retke keltirilgenin atap ótti. Sonymen birge 4 aýdan aýmaǵynda jedel baılanys nómirleri kórsetilgen aqpartattyq taqtaıshalar ornatylǵan.

Pikirler