شىمكەنتتەگى پسيحيكالىق دەنساۋلىق ورتالىعىندا ينفەكتسيالىق ستاتسيونار اشىلدى

769
Adyrna.kz Telegram

ءۇشىنشى مەگاپوليستەگى ەپيدەميولوگيالىق جاعدايدىڭ كۇردەلەنە تۇسۋىنە بايلانىستى تاعى ينفەكتسيالىق ستاتسيونار اشىلدى.

قالالىق پسيحيكالىق دەنساۋلىق ورتالىعىندا اشىلعان ستاتسيونار 100 ورىنعا لايىقتالعان. مۇندا كوروناۆيريرۋس ينفەكتسياسى مەن پنەۆمونيانىڭ ورتاشا جانە اۋىر تۇرىنە شالدىققان ناۋقاستار ەم الۋدا.

ينفەكتسيالىق اۋرۋعا شالدىققان ناۋقاستاردى ەمدەۋ ءۇشىن ورتالىقتا ءدارى قورى مەن قاجەتتى مەديتسينالىق قۇرىلعىلار جەتكىلىكتى. سونداي-اق مەكەمەدەگى مەديتسينا ماماندارى ارنايى وقىتۋدان ءوتىپ، بىلىكتىلىگىن ارتتىرعان. قازىر مۇندا ينفەكتسياعا شالدىققان 19 ناۋقاس ەم الىپ جاتىر.

ايتا كەتەيىك، 2020 جىلى قالادا ەپيدەميالوگيالىق جاعدا ورشىگەن تۇستا پسيحيكالىق دەنساۋلىق ورتالىعىنىڭ ماماندارى كوروناۆيرۋسپەن كۇرەستە الدىڭعى شەپتە قىزمەت ەتتى. ەمدەۋ مەكەمەسىندە پروۆيزورلىق ورتالىق اشىلىپ، مەديتسينا ماماندارى قاۋىپتى ىندەتكە شالدىققان ناۋقاستاردى ەمدەپ جازدى.

پىكىرلەر