شىمكەنت قالاسىندا COVID-19 اۋرۋىنىڭ الدىن الۋ اياسىندا ەڭبەك جانە حالىقتى الەۋمەتتىك قورعاۋ مينيسترلىگىنىڭ تاپسىرماسىنا سايكەس، اتاۋلى الەۋمەتتىك كومەك الۋشى وتباسىلارعا تەگىن ءدارى-دارمەك قوبديشالارى تاراتىلۋدا.
بۇگىنگى كۇنگە دەيىن 2173 اتاۋلى الەۋمەتتىك كومەك الۋشى وتباسى ءدارى قوبديشالارىن الدى. جالپى قالادا اتاۋلى الەۋمەتتىك كومەكتى الاتىن 30 مىڭنان استام وتباسى بار.
دارىلىك توپتامانىڭ ىشىنە تەرمومەتر، 100 دانا مەديتسينالىق بەتپەردە، قولعا ارنالعان انتيسەپتيك، يبۋپروفەن جانە پاراتسەتامول ءدارىسى كىرەدى.جيىنتىقتاردىڭ قۇرامى قر دەنساۋلىق ساقتاۋ مينيسترلىگىنىڭ نەگىزىندە ايقىندالعان.
ەلىمىزدەگى بارلىق قالالارعا بارلىعى 145 مىڭ جيىنتىق تەگىن تاراتىلادى دەپ جوسپارلانۋدا.
