باستى بەت
تاريح
وتكەن عاسىردا قازاقتار قانداي بولعان - رەسەي ارحيۆىنەن تابىلعان سۋرەتتەر

وتكەن عاسىردا قازاقتار قانداي بولعان - رەسەي ارحيۆىنەن تابىلعان سۋرەتتەر

28.02.2018

5846

اتىراۋدا «رۋحاني جاڭعىرۋ» مەملەكەتتىك باعدارلاماسى اياسىندا جارىق كورگەن «حح عاسىردىڭ 20-جىلدارىنداعى كاسپي ماڭى قازاقتارىنىڭ مادەنيەتى مەن تۇرمىسى فوتوقۇجاتتاردا» البومى كىتاپحاناعا تاپسىرىلدى، دەپ حابارلايدى «قازاقپارات» حاا تىلشىسى.

«البومدا رەسەي عىلىم اكادەمياسى ءارحيۆىنىڭ سانكت-پەتەربۋرگتەگى بولىمشەسىندە تابىلعان 200-دەن استام بىرەگەي ارحيۆتىك سۋرەتتەر جيناقتالعان. بۇل سۋرەتتەردى پروفەسسور س. رۋدەنكونىڭ جەتەكشىلىگىمەن 1926 جىلى وداقتىق جانە اۆتونوميالىق رەسپۋبليكالاردى زەرتتەۋ جونىندەگى ارنايى كوميتەتتىڭ انتروپولوگيالىق بولىمشەسى اداەۆ ۋەزىندە جۇرگىزگەن دالالىق زەرتتەۋلەر ەكسپەديتسياسى كەزىندە جاسالعان»، - دەدى البوم جيناقتاۋشىلاردىڭ ءبىرى، وبلىستىق تاريحي ەسكەرتكىشتەردى قورعاۋ ينسپەكتسياسىنىڭ باسشىسى مۇحامبەتقالي قيپيەۆ.

البومدا فوتوسۋرەتتەر بىرنەشە ءبولىم بويىنشا جۇيەلەنگەن، ولار شارۋاشىلىق قىزمەت، كاسىپشىلىك، قولدانبالى ونەر، كوشپەندىلەردىڭ كۇندەلىكتى ءومىر مەن تۇرعىن ۇيلەرى، ۇلتتىق ويىنداردان سىر شەرتەدى.