شىمكەنتتىك دارىگەرلەر 80 جاسقا تاياعان زەينەتكەرلەردى تولىق ەمدەپ شىقتى. قاۋىپتى ىندەتتى جۇقتىرعان ەرلى-زايىپتى اسار شاعىناۋدانىنداعى جۇقپالى اۋرۋلار ورتالىعىنا جەدەل جاردەم كولىگىمەن اۋىر حالدە جەتكىزىلگەن.
دارىگەرلەر ەكى ناۋقاسقا وكپەنىڭ كومپيۋتەرلىك توموگرافياسىن جاساپ، وكپە ءتىنىنىڭ 90 پايىزى زاقىمدالعانىن انىقتاعان. بۇعان قوسا وكپەسى زاقىمدانعان ناۋقاستاردا ەكى جاقتى پنەۆمونيا انىقتالىپ، قانت ديابەتى جانە گيپەرتونيا سىندى سوزىلمالى اۋرۋلارى بولعان. كوروناۆيرۋس جۇقتىرعاندارى دا بەلگىلى بولدى.
دارىگەرلەر ناۋقاستاردىڭ جاعدايىنىڭ اۋىر بولۋىنا بايلانىستى جانساقتاۋ بولىمىنە جاتقىزعان. جۇرگىزىلگەن ەمنىڭ ناتيجەسىندە زەينەتكەرلەردىڭ دەنساۋلىعى بۇگىندە جاقسارعان. دارىگەرلەر ولاردىڭ ينفەكتسيادان تولىق ساۋىعىپ، بۇگىن اۋرۋحانادان شىققانىن حابارلادى.
«تەمپەراتۋراسى ءتۇستى. ەمدىك شارالار تولىق جۇرگىزىلدى، جاعدايى جاقسارىپ، اناليزدەرى ءبىر قالىپقا كەلىپ، دەمالىسى جاقساردى. انتيباكتەريالىق تەراپيا، انتيكواگۋليانتتى تەراپيا جانە قوسىمشا سيمپتوماتيالىق ەم تاعايىندالدى» — دەيدى شىمكەنت قالالىق جۇقپالى اۋرۋلار ورتالىعىنىڭ دارىگەر رەانەماتولوگى ەركىنبەك نۇرتاەۆ.
«وتاعاسى ەكەۋمىز رەانيماتسيادا جاتتىق. قوسىمشا اۋرۋلارىمىز بار ەدى. قازىر جاعدايىمىز جاقسى. دارىگەرلەرگە شىنايى العىس ايتامىز» — دەيدى روزاكۇل اجەي.
