Shymkenttik dárigerler 80 jasqa taıaǵan zeınetkerlerdi tolyq emdep shyqty. Qaýipti indetti juqtyrǵan erli-zaıypty Asar shaǵynaýdanyndaǵy juqpaly aýrýlar ortalyǵyna jedel járdem kóligimen aýyr halde jetkizilgen.
Dárigerler eki naýqasqa ókpeniń kompıýterlik tomografııasyn jasap, ókpe tininiń 90 paıyzy zaqymdalǵanyn anyqtaǵan. Buǵan qosa ókpesi zaqymdanǵan naýqastarda eki jaqty pnevmonııa anyqtalyp, qant dıabeti jáne gıpertonııa syndy sozylmaly aýrýlary bolǵan. Koronavırýs juqtyrǵandary da belgili boldy.
Dárigerler naýqastardyń jaǵdaıynyń aýyr bolýyna baılanysty jansaqtaý bólimine jatqyzǵan. Júrgizilgen emniń nátıjesinde zeınetkerlerdiń densaýlyǵy búginde jaqsarǵan. Dárigerler olardyń ınfekııadan tolyq saýyǵyp, búgin aýrýhanadan shyqqanyn habarlady.
«Temperatýrasy tústi. Emdik sharalar tolyq júrgizildi, jaǵdaıy jaqsaryp, analızderi bir qalypqa kelip, demalysy jaqsardy. Antıbakterııalyq terapııa, antıkoagýlıantty terapııa jáne qosymsha sımptomatııalyq em taǵaıyndaldy» — deıdi Shymkent qalalyq juqpaly aýrýlar ortalyǵynyń dáriger reanematology Erkinbek Nurtaev.
«Otaǵasy ekeýmiz reanımaııada jattyq. Qosymsha aýrýlarymyz bar edi. Qazir jaǵdaıymyz jaqsy. Dárigerlerge shynaıy alǵys aıtamyz» — deıdi Rozakúl ájeı.
