شىمكەنتتە كەدەرگىسىز ورتا قالىپتاستىرۋ ماقساتىندا مۇمكىندىگى شەكتەۋلى ازاماتتارعا 18 ينۆاتاكسي قىزمەت كورسەتەدى. الەۋمەتتىك تاكسي قىزىمەتىن ءجۇرىپ-تۇرۋى قيىن ءبىرىنشى، ەكىنشى توپ پەن 16 جاسقا دەيىنگى مۇگەدەكتىگى بار ازاماتتار جۇگىنە الادى.
جۇمىسپەن قامتۋ جانە الەۋمەتتىك قورعاۋ باسقارماسىنىڭ رەسمي مالىمەتى بويىنشا شىمكەنت قالاسىندا 36 928 مۇمكىندىگى شەكتەۋلى ازامات تىركەلگەن. ونىڭ ىشىندە: ءبىرىنشى توپتاعى – 3309, ەكىنشى توپتاعى – 14 900, ءۇشىنشى توپتاعى مۇگەدەكتىگى بار ازاماتتار – 12 273. ال 18 جاسقا دەيىنگى 6 446 مۇگەدەك بالا تىركەلگەن.
بۇگىندە 43 الەۋمەتتىك تاكسي كولىگىنە 508 ءوتىنىش قابىلدانسا، ينۆاتاكسي قىزمەتىن 455 مۇمكىندىگى شەكتەۋلى ازامات ءوتىنىش تاپسىرعان. اتالعان ارنايى تاكسي قىزمەت الۋشىنىڭ جۇمىس، وقۋ ورنىنا، مەديتسينالىق مەكەمەلەرگە، اۋەجايلار، تەمىرجول ۆوكزالدارى، سوت، پروكۋراتۋرا جانە ت.ب. بەلگىلەنگەن پۋنكتتەرگە جەتكىزەدى.
«مەن ءوزىم 1 توپقا جاتامىن. مەملەكەتتەن بەرىلىپ جاتقان ينۆاتاكسي - قولايلى، قولجەتىمدى. تەك ءوتىنىشتى 1 كۇن بۇرىن قالدىرۋ كەرەك. ءوتىنىش قابىلدانعان سوڭ قالاعان جەرىڭە تەگىن بارۋعا بولادى. وسى سەكىلدى كومەك تۇرلەرىن الىپ جاتقانىمىزعا العىسىمىز شەكسىز»،-دەدى اسىل اسقاروۆ.
ايتا كەتەيىك ينۆاتاكسي قىزمەت ءتۇرىن الۋعا، باسقا دا سۇراقتارعا جاۋاپ الۋ ءۇشىن 8 (707) 405-15-65 بايلانىس نومىرىنە حابارلاسۋعا بولادى.
"ادىرنا" ۇلتتىق پورتالى.
