Şymkentte kedergısız orta qalyptastyru maqsatynda mümkındıgı şekteulı azamattarǧa 18 invataksi qyzmet körsetedı. Äleumettık taksi qyzymetın jürıp-tūruy qiyn bırınşı, ekınşı top pen 16 jasqa deiıngı mügedektıgı bar azamattar jügıne alady.
Jūmyspen qamtu jäne äleumettık qorǧau basqarmasynyŋ resmi mälımetı boiynşa Şymkent qalasynda 36 928 mümkındıgı şekteulı azamat tırkelgen. Onyŋ ışınde: bırınşı toptaǧy – 3309, ekınşı toptaǧy – 14 900, üşınşı toptaǧy mügedektıgı bar azamattar – 12 273. Al 18 jasqa deiıngı 6 446 mügedek bala tırkelgen.
Bügınde 43 äleumettık taksi kölıgıne 508 ötınış qabyldansa, invataksi qyzmetın 455 mümkındıgı şekteulı azamat ötınış tapsyrǧan. Atalǧan arnaiy taksi qyzmet aluşynyŋ jūmys, oqu ornyna, medisinalyq mekemelerge, äuejailar, temırjol vokzaldary, sot, prokuratura jäne t.b. belgılengen punktterge jetkızedı.
«Men özım 1 topqa jatamyn. Memleketten berılıp jatqan invataksi - qolaily, qoljetımdı. Tek ötınıştı 1 kün būryn qaldyru kerek. Ötınış qabyldanǧan soŋ qalaǧan jerıŋe tegın baruǧa bolady. Osy sekıldı kömek türlerın alyp jatqanymyzǧa alǧysymyz şeksız»,-dedı Asyl Asqarov.
Aita keteiık invataksi qyzmet türın aluǧa, basqa da sūraqtarǧa jauap alu üşın 8 (707) 405-15-65 bailanys nömırıne habarlasuǧa bolady.
"Adyrna" ūlttyq portaly.
