يزرايل يرانعا يادرولىق قارۋ جاساۋعا مۇمكىندىك بەرمەۋ ءۇشىن اسكەري وپەراتسيا دايىنداۋدا. بۇل تۋرالى يزرايل قورعانىس سالاسىنا قاتىستى "گالەي تساحال" راديوسى جوعارى شەندى اسكەريلەردىڭ مالىمەتىنە سۇيەنە وتىرىپ مالىمدەدى.
يزرايل قورعانىس ءمينيسترى بەني گانتس ۆاشينگتونعا ساپارى بارىسىندا يرانعا سوققى جاساۋ مۇمكىندىگى جايلى ايتقان. يزرايل بارلاۋشىلارى قازىرگى تاڭدا يراننىڭ يادرولىق قارۋدى جاساۋعا وتە جاقىن قالعانىن ايتۋدا. "ولار اسىقپايدى، سەبەبى قىزىل سىزىقتان وتسە نە بولارىن جاقسى بىلەدى. دەگەنمەن ءبىز يرانعا ۋراندى بايىتۋعا قارسى تۇرامىز", — دەيدى اتىن جاسىرىن ۇستاعان اسكەري مامان "گالەي تساحال" راديوسىنا بەرگەن سۇحباتىندا.
ءساۋىر ايىندا يران ۋراندى 20%-دان دو 60%-عا دەيىن وندىرەتىنىن مالىمدەگەن بولاتىن. بۇل تۋرالى شەشىمدى يران ءوزىنىڭ كومپلەكستەرىندەگى جارىلىستان كەيىن قابىلداعان ەدى. تەگەران وزىنە شابۋىل جاسادى دەپ سانايدى. يزرايل ساراپشىلارى يران الداعى ەكى ايدا يادرولىق قارۋ جاسايدى دەپ بولجايدى. سوندىقتان يراننىڭ اسكەري نىساندارىنا سوققى جاساۋعا دايىندالۋدا.
"ادىرنا" ۇلتتىق پورتالى
