Izraıl Iranǵa ıadrolyq qarý jasaýǵa múmkindik bermeý úshin áskerı operaııa daıyndaýda. Bul týraly Izraıl qorǵanys salasyna qatysty "Galeı AHAL" radıosy joǵary shendi áskerılerdiń málimetine súıene otyryp málimdedi.
Izraıl qorǵanys mınıstri Benı Gan Vashıngtonǵa sapary barysynda Iranǵa soqqy jasaý múmkindigi jaıly aıtqan. Izraıl barlaýshylary qazirgi tańda Irannyń ıadrolyq qarýdy jasaýǵa óte jaqyn qalǵanyn aıtýda. "Olar asyqpaıdy, sebebi qyzyl syzyqtan ótse ne bolaryn jaqsy biledi. Degenmen biz Iranǵa ýrandy baıytýǵa qarsy turamyz", — deıdi atyn jasyryn ustaǵan áskerı maman "Galeı AHAL" radıosyna bergen suhbatynda.
Sáýir aıynda Iran ýrandy 20%-dan do 60%-ǵa deıin óndiretinin málimdegen bolatyn. Bul týraly sheshimdi Iran óziniń kompleksterindegi jarylystan keıin qabyldaǵan edi. Tegeran ózine shabýyl jasady dep sanaıdy. Izraıl sarapshylary Iran aldaǵy eki aıda ıadrolyq qarý jasaıdy dep boljaıdy. Sondyqtan Irannyń áskerı nysandaryna soqqy jasaýǵa daıyndalýda.
"Adyrna" ulttyq portaly
