قازاقستان پرەزيدەنتى نۇرسۇلتان نازارباەۆ قازاق ءتىلىنىڭ مارتەبەسىن كوتەرۋ جونىندەگى جۇمىستى جالعاستىرۋ قاجەتتىگىن ايتتى، دەپ حابارلايدى اقوردانىڭ ءباسپاسوز قىزمەتى.
اقپارات جانە بايلانىس ءمينيسترى داۋرەن اباەۆپەن كەزدەسۋ بارىسىندا مەملەكەت باسشىسىنا «ءتورتىنشى يندۋستريالدى رەۆوليۋتسيا جاعدايىندا دامۋدىڭ جاڭا مۇمكىندىكتەرى» جولداۋىندا ايتىلعان مىندەتتەردىڭ ورىندالۋى جايلى ەسەپ بەردى.
نۇرسۇلتان نازارباەۆ وسى ۇدەرىستە يننوۆاتسيالاردى جانە جاڭا تەحنولوگيالاردى ەنگىزۋ، سونداي-اق «قازاقستاننىڭ 100 جاڭا تۇلعاسى» جوباسىنا قاتىسۋشىلاردىڭ شىعارماشىلىق الەۋەتىن پايدالانۋ بويىنشا جۇمىستى جالعاستىرۋ قاجەتتىگىن اتاپ ءوتتى.
سونداي-اق، اقپارات جانە كوممۋنيكاتسيا ءمينيسترى داۋرەن اباەۆپەن كەزدەسۋ بارىسىندا نۇرسۇلتان نازارباەۆ قازاق ءتىلىن لاتىن گرافيگىنە كوشىرۋ ماسەلەسىنە توقتالدى جانە مەملەكەتتىك ءتىلدىڭ مارتەبەسىن كوتەرۋ جونىندەگى شارالاردى قابىلداۋدىڭ ماڭىزدىلىعىن اتاپ ءوتتى.
«لاتىن الىپبيىنە كوشۋ ۇدەرىسى ءبىزدىڭ حالقىمىز ءۇشىن تاريحي ءمانى زور. سوندىقتان قازاق ءتىلىنىڭ مارتەبەسىن كوتەرۋ ءۇشىن جۇمىستى جالعاستىرۋ كەرەك. پارلامەنت پەن ۇكىمەت تەك مەملەكەتتىك تىلدە جۇمىس ىستەۋى كەرەك. سونىمەن قاتار ازاماتتاردىڭ وسى ماسەلەدەگى قۇقىقتارى بۇزىلماۋى كەرەك»، — دەدى مەملەكەت باسشىسى.
قازاقستان پرەزيدەنتى لاتىن گرافيگىنە كەزەڭ-كەزەڭمەن كوشۋدىڭ ماڭىزدىلىعىن اتاپ وتە وتىرىپ، قازاق ءتىلىن وقىتۋ ادىستەمەسىن جەتىلدىرۋ ماسەلەسىن مۇقيات زەردەلەۋدى تاپسىردى. سونىمەن قاتار، نۇرسۇلتان نازارباەۆ كيبەرقاۋىپسىزدىكتى قامتاماسىز ەتۋ جانە وتاندىق باق-نىڭ باسەكەگە قابىلەتتىلىگىن ارتتىرۋ ماسەلەلەرىنە نازار اۋداردى.
مەملەكەت باسشىسى وتاندىق تەلەارنالاردىڭ سەريالىق ءوندىرىسىنىڭ ساپاسىن ارتتىرۋ قاجەتتىگىن اتاپ ءوتتى، سونداي-اق بۇقارالىق اقپارات قۇرالدارىنىڭ جاستاردى پاتريوتتىق تاربيەلەۋدەگى ماڭىزدى ءمان بەرۋىن نىقتاپ تاپسىردى.
كەزدەسۋ بارىسىندا داۋرەن اباەۆ قازاقستان پرەزيدەنتىنە «ساندىق قازاقستان» باعدارلاماسىن جۇزەگە اسىرۋ جوسپارلارى تۋرالى بايانداپ، ونىڭ باسىم باعىتتارىن ناقتىلاۋ بويىنشا شارالار جۇرگىزلىپ جاتقانىن مالىمدەدى.
adyrna.kz
