قايتىس بولعان يەسىن 11 جىل بويى كۇتكەن يت مولا باسىندا ءولدى

1874
Adyrna.kz Telegram

ارگەنتينادا كاپيتان ەسىمدى يت 11 جىل بويى قايتىس بولعان يەسىنىڭ مولاسىن كۇزەتىپ، اقىرى قورىم باسىندا ءولدى دەپ جازادى L!FE.

كاپيتاندى جۇرت بۇگىندە "ارگەنتينالىق حاتيكو" اتاپ كەتكەن. ونى 2005 جىلى ميگەل گۋزمان ەسىمدى ازامات ۇلىنا سىيلىق رەتىندە ساتىپ الىپتى. ارادا ءبىر جىل وتكەندە ميگەل قايتىس بولىپ، يت تە ءىزىم-عايىم جوعالعان. مارقۇمنىڭ تۋعاندارى توبەتتى ىزدەمەگەن جەرى جوق. تەك ارادا ءبىراز ۋاقىت وتكەن سوڭ مارقۇمنىڭ باسىنا بارعان كەزدە ولار مولانى كۇزەتىپ جاتقان كاپيتاندى تاۋىپ العان ەكەن.
مولا قىزمەتكەرلەرىنىڭ ايتۋىنشا، يت يەسىنىڭ قابىرىنەن ءبىر قادام دا ۇزاپ كەتپەيدى. ولار كاپيتاندى كۇندەلىكتى تاماقتاندىرىپ، وزدەرى دە باۋىر باسىپ قالىپتى.

ء"بىز مولاعا كەلگەندە كاپيتان ءبىزدىڭ الدىمىزدان قىڭسىلاپ شىعىپ، جىلاعانىن ءبىلدىردى. ايتا كەتۋ كەرەك، ءبىز ونى جەرلەۋ راسىمىنە وزىمىزبەن الىپ بارعان جوقپىز، بىراق ول ميگەلدىڭ جەرلەنگەن قابىرىن ءدال تاۋىپ بارىپ، سونىڭ باسىندا بىرنەشە اي بويى كۇزەتىپ جاتىپتى", - دەيدى مارقۇمنىڭ جەسىرى ۆەرونيكا گۋزمان.

"كەي كۇندەرى يت زيراتتىڭ ءىشىن ارالاپ جۇرەدى دە، كەشكى التى بولعان كەزدە مىندەتتى تۇردە يەسىنىڭ قابىرىنىڭ باسىنا بارىپ جاتىپ الادى جانە تاڭعا دەيىن اتتاپ باسپايدى", - دەيدى مولانىڭ ديرەكتورى گەكتور باچچەگا.

وسىلايشا كاپيتان ميگەلدىڭ باسىندا 11 جىل جاتقان. ەندى مولا باسشىلارى ونى يەلەرىنە بەرگەلى جاتىر.


sn.k

پىكىرلەر