Qaıtys bolǵan ıesin 11 jyl boıy kútken ıt mola basynda óldi

1701

Argentınada Kapıtan esimdi ıt 11 jyl boıy qaıtys bolǵan ıesiniń molasyn kúzetip, aqyry qorym basynda óldi dep jazady L!FE.

Kapıtandy jurt búginde "argentınalyq Hatıko" atap ketken. Ony 2005 jyly Mıgel Gýzman esimdi azamat ulyna syılyq retinde satyp alypty. Arada bir jyl ótkende Mıgel qaıtys bolyp, ıt te izim-ǵaıym joǵalǵan. Marqumnyń týǵandary tóbetti izdemegen jeri joq. Tek arada biraz ýaqyt ótken soń marqumnyń basyna barǵan kezde olar molany kúzetip jatqan Kapıtandy taýyp alǵan eken.
Mola qyzmetkerleriniń aıtýynsha, ıt ıesiniń qabirinen bir qadam da uzap ketpeıdi. Olar Kapıtandy kúndelikti tamaqtandyryp, ózderi de baýyr basyp qalypty.

"Biz molaǵa kelgende Kapıtan bizdiń aldymyzdan qyńsylap shyǵyp, jylaǵanyn bildirdi. Aıta ketý kerek, biz ony jerleý rásimine ózimizben alyp barǵan joqpyz, biraq ol Mıgeldiń jerlengen qabirin dál taýyp baryp, sonyń basynda birneshe aı boıy kúzetip jatypty", - deıdi marqumnyń jesiri Veronıka Gýzman.

"Keı kúnderi ıt zırattyń ishin aralap júredi de, keshki alty bolǵan kezde mindetti túrde ıesiniń qabiriniń basyna baryp jatyp alady jáne tańǵa deıin attap baspaıdy", - deıdi molanyń dırektory Gektor Bachchega.

Osylaısha Kapıtan Mıgeldiń basynda 11 jyl jatqan. Endi mola basshylary ony ıelerine bergeli jatyr.


sn.k

Pikirler
Redakııa tańdaýy