بيىل رەسپۋبليكالىق بيۋدجەتتىڭ يگەرىلمەگەن قاراجات كولەمى 66 ملرد تەڭگەنى قۇراپ وتىر دەپ حابارلايدى "ادىرنا" ۇلتتىق پورتالى.
بۇل تۋرالى ۇكىمەت وتىرىسىندا قر قارجى ءمينيسترى ەرۇلان جاماۋباەۆ مالىمدەدى. ونىڭ ايتۋىنشا، بيىلعى رەسپۋبليكالىق بيۋدجەت بويىنشا شىعىستار 13 ترلن تەڭگەنى قۇراعان. اتاپ ايتساق، اتقارىلماعان جۇمىستار بويىنشا قارجى كولەمى — 81 ملرد تەڭگە، ونىڭ ىشىندە 15 ملرد تەڭگە – ۇنەمدەۋ، يگەرىلمەگەنى – 66 ملرد تەڭگە.
"يگەرىلمەۋدىڭ نەعۇرلىم ءىرى سومالارى مادەنيەت جانە سپورت، تسيفرلىق دامۋ، يننوۆاتسيالار جانە اەروعارىش ونەركاسىبى، يندۋستريا جانە ينفراقۇرىلىمدىق دامۋ، اۋىل شارۋاشىلىعى جانە ىشكi iستەر مينيسترلىكتەرىندە قالىپتاستى. يگەرىلمەۋدىڭ نەگىزگى سەبەپتەرى: ناقتى كورسەتىلگەن قىزمەتتەر كولەمى ءۇشىن اقى تولەۋ، ورىندالعان جۇمىستار اكتىلەرىن، شوت-فاكتۋرالاردى ۋاقتىلى ۇسىنباۋ، كونكۋرستىق راسىمدەردى ۇزاق وتكىزۋ سىندى ماسەلەلەر تۋىنداپ وتىر", - دەدى ەرۇلان جاماۋباەۆ.
قاراجات يگەرمەۋ جەرگىلىكتى بيۋدجەتتە دە تۋىنداپ وتىرعان ماسەلە. ونىڭ شىعىسى — 8 ترلن تەڭگە.
قاراجات يگەرمەگەن قالالاردىڭ ىشىندە نۇر-سۇلتان، الماتى قالالارى، باتىس قازاقستان جانە تۇركىستان وبلىستارى ەنىپ وتىر.
