Áleýmettik jelide ákimdikten jeti polıeıdiń múgedek azamatty kúshpen shyǵarǵan vıdeosy qyzý talqyǵa tústi. Oqıǵa Óskemen qalasynda bolǵan. Tártip saqshylarynyń bul áreketi kýágerlerdiń narazylyǵyn týdyrdy. Keıin DP-ǵa shaldyqqan er azamattyń úıiniń janyndaǵy aıaldamany qaıtarýdy talap etip kelgeni belgili boldy, dep habarlaıdy “Adyrna” ulttyq portaly 31-arnanyń “Informbıýro” baǵdarlamasyna silteme jasap.
Er adam ákimshilik ǵımaratyna jıi keledi eken. Ol úıiniń mańyndaǵy burynǵy avtobýs aıaldamasyn qaıtarýdy talap etken. Aıaldamany alys jerge aýystyrǵandyqtan, múgedektigi bar azamatqa jetý qıynǵa soǵady eken. Alaıda bul joly turǵyn ákimdikte janjal shyǵarǵan. Qyzmetkerlerdiń sózinshe, ol termometr men esikti syndyrǵan.
Er adam óz telefonyn da buzyp alǵan. Al polıeıler "Uzaq buzaqylyq" jáne "Bılik ókilderin balaǵattaý" babtary boıynsha ákimshilik is qozǵady. Eger sotta onyń kinási dáleldense, 230 myń teńge aıyppul salynady nemese 20 táýlikke qamaýǵa alynady. Sonymen qatar Óskemen qalasynyń ákimdigi demeýshilerdiń er adamǵa 110 myń teńge bólgenin málimdedi. Bul qarjy másele sheshilgenge deıin onyń taksımen qatynaýyna arnalǵan.
“Adyrna” ulttyq portaly
