اۋرۋحاناعا جەتكىزىلگەن بالاعا «بەت تەرىسىنىڭ زاقىمدانۋى جانە باس ميىنىڭ شايقالۋى» دياگنوزى قويىلدى، دەپ حابارلايدى "ادىرنا" ۇلتتىق پورتالى.
وقيعا 6 جەلتوقساندا اناسى ۇيدە بولماعان كەزدە بولعان.
پوليتسەيلەر بالانى، اناسىنىڭ 42 جاستاعى سەرىگى سوققىعا جىققانىن انىقتادى.
ءىستى قاراۋ بارىسىندا بۇل وتباسىندا كامەلەتكە تولماعان ءتورت بالا بار ەكەنى بەلگىلى بولدى، بىراق اتا-اناسى رەسمي نەكەدە ەمەس.
وقيعا بالانىڭ اناسى جۇمىسقا كەتكەن كەزدە بولعان، ال جۇمىسسىز ەر ادام بالالارعا قاراۋ ءۇشىن قالعان. ۇيىنە ورالعان ايەل بالاسىنىڭ جاراقاتتانعانىن بايقاپ، بۇل تۋرالى ۋچاسكەلىك پوليتسيا قىزمەتكەرىنە حابارلاعان، ول جەدەل جاردەم شاقىرىپ، بالانى اۋرۋحاناعا جەتكىزۋدى سۇراعان.
وسكەمەن دپ ءباسپاسوز قىزمەتى
اناسىنىڭ ايتۋىنشا، كۇيەۋى ماس كۇيدە ءتىلىن الماعان بالاسىن بەتىنەن ۇرعان.
ەر ادامعا قاتىستى قورعاۋ نۇسقاماسى شىعارىلىپ، قر اقبتك-ءنىڭ 73-بابى بويىنشا اكىمشىلىك حاتتاما تولتىرىلدى. ءىس ارنايى قاۋلى شىعۋ ءۇشىن سوتقا جولداندى، دەيدى وسكەمەن ۋنيتارلىق كاسىپورنىنىڭ ءباسپاسوز قىزمەتى.
"ادىرنا" ۇلتتىق پورتالى
