حالىق بانكتىڭ دەمەۋشىلىگى: تاۋداعى تۋريزم قاۋىپسىز بولماق

41331
Adyrna.kz Telegram

30 قاراشادا «ايۋساي» ۆيزيت ورتالىعىندا بريفينگ ءوتتى. وعان الماتى قالاسى اكىمدىگىنىڭ تۋريزم باسقارماسى، توتەنشە جاعدايلار دەپارتامەنتى، قالالىق قۇتقارۋ قىزمەتى جانە حالىق بانكىنىڭ وكىلدەرى بريفينگكە قاتىسىپ، تاۋداعى قاۋىپسىز تۋريزم تاقىرىبىن تالقىلادى.

تاۋ قاشاندا قاۋىپتى ايماق سانالادى. دايىندىقسىز تاۋع ساياحاتتاۋ ادام ومىرىنە قاۋىپتى بولۋى مۇمكىن. سوڭعى ەكى جىلدا الماتى ماڭىنداعى تاۋلاردا بەس ادام كوز جۇمعان. سوندىقتان تاۋداعى قاۋىپسىزدىكتى قامتاماسىز ەتۋ دە ماڭىزدى. وسى ماقساتتا  حالىق بانكى دەمەۋشىلىك جاساپ، الماتى ماڭىنداعى تاۋلارعا 11 قۇتقارۋشى ۇيشىگىن ورناتىپ، 18 كۇن باتارەياسى مەن 1 درون ساتىپ العان.

ۇيشىكتەر تاۋدىڭ ەڭ بيىك تۇستارىنا قويىلعان. ۇيشىكتىڭ ىشىندە تاماق، دارىلەر جيىنتىعى، ەكى ادامعا ارنالعان توسەك، جىلىتۋ قۇرىلعىسى، تەلەفون قۋاتتاندىرعىش، قۇتقارۋشىلاردى شاقىرۋ تەتىگى بار. بۇل تاۋدا جوعالىپ كەتكەن تۋريستەردىڭ ءومىرىن ساقتاپ قالۋعا باعىتتالعان تاماشا باستاما.

حالىق بانكى تاراپىنان دەمەۋشىلىك كومەك اياسىندا اۋدارىلعان قاراجاتتىڭ جالپى سوماسى 101 479 000 تەڭگەنى قۇرادى، ونىڭ 47 300 000 تەڭگەسى مودۋلدىك قۇتقارۋ ۇيلەرىن جاساۋعا، 39 924 000 تەڭگە – اۆتونومدى كۇن ەلەكتر ستانتسيالارىن ساتىپ الۋعا جانە ىزدەستىرۋ-قۇتقارۋ جۇمىستارىن جۇرگىزۋگە ارنالعان ۇشقىشسىز ۇشۋ اپپاراتىن ساتىپ الۋعا 1 200,000 تەڭگە جۇمسالعان. بانك وكىلدەرى دەمەۋشىلىك جاساۋ توقتامايتىنىن ايتتى.

"ادىرنا" ۇلتتىق پورتالى

 

پىكىرلەر