30 qarashada «Aıýsaı» vızıt ortalyǵynda brıfıng ótti. Oǵan Almaty qalasy ákimdiginiń Týrızm basqarmasy, Tótenshe jaǵdaılar departamenti, qalalyq qutqarý qyzmeti jáne Halyq bankiniń ókilderi brıfıngke qatysyp, taýdaǵy qaýipsiz týrızm taqyrybyn talqylady.
Taý qashanda qaýipti aımaq sanalady. Daıyndyqsyz taýǵ saıahattaý adam ómirine qaýipti bolýy múmkin. Sońǵy eki jylda Almaty mańyndaǵy taýlarda bes adam kóz jumǵan. Sondyqtan taýdaǵy qaýipsizdikti qamtamasyz etý de mańyzdy. Osy maqsatta Halyq banki demeýshilik jasap, Almaty mańyndaǵy taýlarǵa 11 qutqarýshy úıshigin ornatyp, 18 kún batareıasy men 1 dron satyp alǵan.
Úıshikter taýdyń eń bıik tustaryna qoıylǵan. Úıshiktiń ishinde tamaq, dáriler jıyntyǵy, eki adamǵa arnalǵan tósek, jylytý qurylǵysy, telefon qýattandyrǵysh, qutqarýshylardy shaqyrý tetigi bar. Bul taýda joǵalyp ketken týrısterdiń ómirin saqtap qalýǵa baǵyttalǵan tamasha bastama.
Halyq banki tarapynan demeýshilik kómek aıasynda aýdarylǵan qarajattyń jalpy somasy 101 479 000 teńgeni qurady, onyń 47 300 000 teńgesi modýldik qutqarý úılerin jasaýǵa, 39 924 000 teńge – avtonomdy kún elektr stanııalaryn satyp alýǵa jáne izdestirý-qutqarý jumystaryn júrgizýge arnalǵan ushqyshsyz ushý apparatyn satyp alýǵa 1 200,000 teńge jumsalǵan. Bank ókilderi demeýshilik jasaý toqtamaıtynyn aıtty.
"Adyrna" ulttyq portaly
