پاۆلوداردا جاياۋ جۇرگىنشىنى قاعىپ، قاشىپ كەتكەن جۇرگىزۋشى انىقتالدى

2055
Adyrna.kz Telegram

پاۆلوداردا جاياۋ جۇرگىنشىنى قاعىپ، قاشىپ كەتكەن جۇرگىزۋشى انىقتالدى، دەپ حابارلايدى «ادىرنا» ءتىلشىسى polisia.kz-كە سىلتەمە جاساپ.

«24 قاراشادا ساعات 07.20-دا پاۆلودار قالاسىنداعى سولتۇستىك ونەركاسىپ ايماعىنىڭ “ينجەنەريا ورتالىعى” ايالداماسىنىڭ جانىندا Volkswagen Golf كولىگى بەلگىلەنبەگەن جەردەن جولدى كەسىپ ءوتىپ بارا جاتقان 62 جاستاعى ەر ادامدى قاعىپ كەتتى»،– دەلىنگەن حابارلامادا.

جول اپاتىنان كەيىن جۇرگىزۋشى وقيعا ورنىنان قاشىپ كەتكەن. جاياۋ جۇرگىنشى اۋرۋحاناعا جەتكىزىلدى، وعان ءتۇرلى دەنە جاراقاتتارىنىڭ دياگنوزى قويىلدى.

قاعىپ كەتكەن كولىكتى انىقتاۋ ءۇشىن پوليتسەيلەر جەدەل-ىزدەستىرۋ شارالارىن جۇرگىزدى، “ۇستاۋ” جوسپارىن ەنگىزىپ، ناتيجەسىندە پوليتسەيلەر كۇدىكتى كولىك جۇرگىزۋشىسىن ۇستادى.

قازىرگى ۋاقىتتا اتالعان فاكتى بويىنشا قر قىلمىستىق كودەكسى 345-بابىنىڭ 1-بولىگى بويىنشا سوتقا دەيىنگى تەرگەۋ امالدارى جۇرگىزىلۋدە. اۆتوكولىك ايىپ تۇراعىنا قويىلدى.

«ادىرنا» ۇلتتىق پورتالى

پىكىرلەر