Pavlodarda jaıaý júrginshini qaǵyp, qashyp ketken júrgizýshi anyqtaldy, dep habarlaıdy «Adyrna» tilshisi polisia.kz-ke silteme jasap.
«24 qarashada saǵat 07.20-da Pavlodar qalasyndaǵy Soltústik ónerkásip aımaǵynyń “Injenerııa ortalyǵy” aıaldamasynyń janynda Volkswagen Golf kóligi belgilenbegen jerden joldy kesip ótip bara jatqan 62 jastaǵy er adamdy qaǵyp ketti»,– delingen habarlamada.
Jol apatynan keıin júrgizýshi oqıǵa ornynan qashyp ketken. Jaıaý júrginshi aýrýhanaǵa jetkizildi, oǵan túrli dene jaraqattarynyń dıagnozy qoıyldy.
Qaǵyp ketken kólikti anyqtaý úshin polıeıler jedel-izdestirý sharalaryn júrgizdi, “Ustaý” josparyn engizip, nátıjesinde polıeıler kúdikti kólik júrgizýshisin ustady.
Qazirgi ýaqytta atalǵan fakti boıynsha QR Qylmystyq kodeksi 345-babynyń 1-bóligi boıynsha sotqa deıingi tergeý amaldary júrgizilýde. Avtokólik aıyp turaǵyna qoıyldy.
«Adyrna» ulttyq portaly
