Kaspi.kz وكىلدەرى ينستاگرام جەلىسىندەگى پاراقشاسىنا حالىقتىڭ كوكەيىندە جۇرگەن ماڭىزدى ساۋالدارعا جاۋاپ بەردى، دەپ حابارلايدى "ادىرنا" ۇلتتىق پورتالى.
ءموبيلدى اقشا اۋدارىمدارىنا بايلانىستى سۇراقتارعا ءجىتى جاۋاپ بەردى:
1. مەن جەكە تۇلعامىن. مەنىڭ ءموبيلدى اقشا اۋدارىمىم تۋرالى دەرەكتەر سالىق ورگانىنا بەرىلە مە؟
جوق. بانك قۇپياسىن ساقتاۋ تالاپتارىنا سايكەس ءسىزدىڭ اقشا اۋدارىمىڭىز تۋرالى دەرەكتەر سالىق ورگاندارىنا بەرىلمەيدى. ءسىز بۇرىنعىداي جەكە ماقساتىڭىز ءۇشىن اقشا اۋدارا الاسىز جانە قابىلداي الاسىز.
جالپىعا بىردەي دەكلاراتسيالاۋدى كەزەڭمەن ەنگىزۋ تۋرالى زاڭعا سايكەس كاسىپكەرلىك قىزمەتتى جۇرگىزۋ بەلگىلەرىنىڭ بارى تۋرالى مالىمەتتەر تەك 2025 جىلدان باستاپ بەرىلەتىنى كوزدەلىپ وتىر. 2025 جىلعا دەيىن جك ەمەس جانە مەملەكەتتىك قىزمەتشى ەمەس جەكە تۇلعالار ءۇشىن ەشتەڭە وزگەرمەيدى.
2. ءموبيلدى اقشا اۋدارىمىنا شەكتەۋ قويىلا ما نەمەسە سالىق سالىنا ما؟
جوق. جەكە تۇلعالاردىڭ اراسىنداعى اقشا اۋدارىمىنا سالىق سالىنبايدى. زاڭ جوباسىندا اقشا اۋدارىمىنا جاڭا سالىقتىڭ نەمەسە شەكتەۋدىڭ پايدا بولاتىنى كوزدەلمەگەن.
3. ەگەر كاسىپكەر كليەنتتەردەن ءموبيلدى اقشا اۋدارىمىن الاتىن بولسا، ول ءۇشىن كوتەرىڭكى سالىق تولەۋى كەرەك پە؟
جوق. زاڭ جوباسىندا جاڭا سالىقتىڭ پايدا بولاتىنى كوزدەلمەگەن.
كاسىپكەرلىك ماقساتتا ءموبيلدى اقشا اۋدارىمىن پايدالانۋ قازىردىڭ وزىندە ساتۋشىلاردى قر زاڭناماسىنا ساي سالىق تولەۋ جانە فيسكالدىق چەك بەرۋ مىندەتىنەن بوساتپايتىنىن اتاپ وتەمىز.
4. مەن جك نە كومپانيا باسشىسىمىن. مەنىڭ ءموبيلدى اقشا اۋدارىمىم تۋرالى د
ەرەكتەر سالىق ورگانىنا بەرىلە مە؟
جالپىعا بىردەي دەكلاراتسيالاۋدى كەزەڭمەن ەنگىزۋ تۋرالى زاڭعا سايكەس جەكە كاسىپكەرگە نە كومپانيا باسشىسىنا تيەسىلى شوتتار بويىنشا كاسىپكەرلىك قىزمەتتى جۇرگىزۋ بەلگىلەرىنىڭ بارى تۋرالى مالىمەتتەر 2024 جىلدان باستاپ بەرىلەتىنى كوزدەلىپ وتىر.
5. ەندەشە بۇل زاڭ جوباسى نە تۋرالى؟
زاڭ جوباسى جەكە تۇلعالاردىڭ اراسىنداعى ءموبيلدى اقشا اۋدارىمىنا قاتىستى ەمەس.
ءموبيلدى تولەمدەر ۇعىمىن جانە جك مەن زاڭدى تۇلعالار ءۇشىن تاۋارلار نەمەسە قىزمەت كورسەتۋ ءۇشىن اقىنى ارنايى كاسىپكەرلىك قىزمەتكە ارنالعان شوتتارعا قابىلداۋ مىندەتىن ەنگىزۋ كوزدەلىپ وتىر.
مىسالى، مۇنى تاۋارلار مەن قىزمەت كورسەتۋ ءۇشىن اقى قابىلداۋعا Kaspi Pay ءموبيلدى قوسىمشاسى مەن Kaspi QR-دىڭ كومەگىمەن قازىردىڭ وزىندە جاساۋعا بولادى.
"ادىرنا" ۇلتتىق پورتالى
