ارون اتابەكتى نەلىكتەن تۇرمەدەن ەرتە بوساتپادى: مينيسترلىك جاۋاپ بەردى

1222

ىشكى ىستەر مينيسترلىگى قىلمىستىق اتقارۋ جۇيەسى كوميتەتى توراعاسىنىڭ ورىنباسارى مەيرام ايۋباەۆ قوعام بەلسەندىسى ارون اتابەكتىڭ ولىمىنە قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى Stan.kz سايتىنا سىلتەمە جاساپ. 

بۇگىن سەناتتا جۋرناليستەر ىشكى ىستەر مينيسترلىگىنىڭ وكىلىنەن نە سەبەپتى اتابەكتىڭ دەنساۋلىق جاعدايى ەسكەرىلە وتىرىپ، ەرتەرەك بوساتىلماعانىن سۇرادى.

"وسى سۇراقتىڭ كوتەرىلىپ جاتقانىنا كوپ بولدى. ارون ەدىگەەۆ (اتابەك) 2006 جىلى 18 جىلعا باس بوستاندىعىنان ايىرۋ جازاسىنا كەسىلدى. ول ادام ءولتىرۋ جانە كەپىلگە الۋ قىلمىستارى ءۇشىن سوتتالعان بولاتىن. 2019 جىلدان باستاپ بارلىق مەديتسينالىق تەكسەرىستەن باس تارتتى", - دەدى كوميتەت توراعاسىنىڭ ورىنباسارى.

ونىڭ ايتۋىنشا، بارلىق تۇرمەدە جىل سايىن پروفيلاكتيكالىق تەكسەرىس جۇرگىزىلەدى. مەكەمە قىزمەتكەرلەرى اتابەكتىڭ قاتتى ارىقتاپ كەتكەنىن بايقاپ، مەديتسينالىق تەكسەرىستەن وتۋگە ۇسىنىس جاساعان. بىراق ول باس تارتىپتى.

ء"بىز تۋعان-تۋىستارىن شاقىردىق. ولار دا سويلەستى. قوعامدىق باقىلاۋ كوميسسياسى اڭگىمەلەستى. بىراق اتابەك كەلىسكەن جوق", - دەپ اتاپ ءوتتى ايۋباەۆ.

بيىل 22 قىركۇيەكتە ارون اتابەك پاۆلودار قالاسىنىڭ اۋرۋحاناسىنا جەتكىزىلگەن. سول جەردە مەديتسينالىق تەكسەرىس جاسالدى. 1 قاراشادا پاۆلودار قالالىق سوتى ونى قاماۋ مەرزىمىن قىسقارتىپ، بوستاندىققا شىعارۋعا شەشىم قابىلدادى.

"ادىرنا" ۇلتتىق پورتالى

 

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket