تۋۆالۋ ارال مەملەكەتىنىڭ سىرتقى ىستەر ءمينيسترى سايمون كوفە ەگەر ەلدى سۋ باسسا، ونىڭ تۇرعىندارى كوشۋگە ءماجبۇر بولاتىنىن ايتتى، دەپ حابارلايدى "ادىرنا" ۇلتتىق پورتالى "lenta.ru" سايتىنا سىلتەمە جاساپ.
ءمينيستردىڭ ايتۋىنشا، تۋۆالۋ بيلىگى جاھاندىق جىلىنۋعا بايلانىستى ەڭ جامان ستسەناريدى قاراستىرىپ جاتىر: ماسەلەن ارال اۋماعىن دۇنيەجۇزىلىك مۇحيت سۋى باسىپ، ءومىر سۇرۋگە جارامسىز بولىپ قالادى.
ەگەر بۇل ستسەناري ورىندالسا، تۋۆالۋ كليماتتىق اپاتتارعا بايلانىستى قونىس اۋدارعان الەمدەگى العاشقى مەملەكەت بولادى. بەس مىڭعا جۋىق تۋۆالۋ تۇرعىنى جاڭا زەلاندياعا كوشىپ ۇلگەرگەن.
"قازىرگى ۋاقىتتا بۇل — مەملەكەت حالقىنىڭ شامامەن 50 پايىزى", - دەدى س.كوفە.
ەل قازىردىڭ وزىندە دايىندىقتى باستاعان، بيلىك ماسەلەنى حالىقارالىق قۇقىق تۇرعىسىنان شەشۋگە تىرىسىپ جاتىر.
ء"بىز تەرريتوريامىزدان ايىرىلساق تا، ەلدەر تۋۆالۋدى تانۋى ءۇشىن تىرىسامىز. سونىمەن قاتار باسقا جەردە بولساق تا، بىرگە ارەكەت ەتۋدى جالعاستىرۋ ءۇشىن تسيفرلىق ۇلت قۇرا الاتىن تەحنولوگيالاردى تالقىلاپ جاتىرمىز", - دەدى مينيستر.
شارالاردىڭ ءبىرى رەتىندە تۋۆالۋ تۇرعىنداردىڭ قىزمەتتەردى ونلاين رەجيمىندە الۋى ءۇشىن بارلىق پروتسەستى تسيفرلاندىرۋدى جوسپارلاپ وتىر.
بۇعان دەيىن سايمون كوفە گلازگوداعى بۇۇ-نىڭ كليمات سامميتىندە (COP26) سويلەگەن ءسوزىن تىزەدەن كەلەتىن سۋدا تۇرىپ جازعان بولاتىن.
"ادىرنا" ۇلتتىق پورتالى
