كيەۆتەگى الاڭعا شىققان 2 مىڭ ادام زەلەنسكيدىڭ وتستاۆكاعا كەتۋىن جانە «بيلىكتى تولىعىمەن قالپىنا كەلتىرۋدى» تالاپ ەتىپ جاتىر دەپ حابارلايدى «ادىرنا» ۇلتتىق پورتالى "dw.com-عا" سىلتەمە جاساپ.
كيەۆ ورتالىعىندا پرەزيدەنت اكىمشىلىگى مەن مەملەكەتتىك توڭكەرىس دەپ اتالاتىن ارەكەتكە قارسى بىرنەشە مىڭ ادام نارازىلىق اكتسياسىن وتكىزۋدە. اكتسيا «ۋكراينانى قورعايمىز – توڭكەرىستى توقتاتامىز» دەگەن تاقىرىپپەن وتۋدە.
ۋكراينا استاناسىنىڭ ورتالىعىنداعى باستى تاۋەلسىزدىك الاڭىنا مىڭنان استام ادام جينالدى. ولار — ۇلتتىق كورپۋستىڭ، «سۆوبودا» پارتياسىنىڭ، سونداي-اق ۋكراينانىڭ بۇرىنعى پرەزيدەنتى پەتر پوروشەنكونىڭ ەۋروپالىق ىنتىماقتاستىق پارتياسىنىڭ وكىلدەرى.
سپيكەرلەرگە ارنالعان ساحنادا پارتيا تۋلارىنان بولەك، «ۋكراينانى قورعايمىز – توڭكەرىستى توقتات» دەگەن جازۋى بار باننەر ىلىنگەن. ميتينگكە قاتىسۋشىلار ۋكراينا پرەزيدەنتى ۆلاديمير زەلەنسكيدىڭ ارەكەتىن كونستيتۋتسيانى بۇزۋ جانە ۇلتتىق مۇددەلەردەن باس تارتۋمەن قاتار جۇرەتىن مەملەكەتتىك توڭكەرىس دەپ باعالاۋعا بولادى دەپ سانايدى.
ميتينگكە قوعام بەلسەندىلەرى مەن ۋكرايناداعى توڭكەرىسپەن اياقتالعان الدىڭعى شەرۋگە قاتىسۋشىلار شىققان. ولار زەلەنسكيدىڭ وتستاۆكاعا كەتۋىن جانە «بيلىكتى تولىعىمەن قالپىنا كەلتىرۋدى» تالاپ ەتىپ وتىر.
ايتا كەتۋ كەرەك، 26 قاراشادا ۋكراينا پرەزيدەنتى ۆلاديمير زەلەنسكي قولىنداعى اقپاراتقا سايكەس، ەل تۇرعىندارى مەملەكەتتىك توڭكەرىس جاساماق نيەتتە ەكەنىن مالىمدەدى. دەگەنمەن پرەزيدەنتتىڭ ءوزى ءدال وسىلاي بولاتىنىنا سەنبەگەن ەدى.
«ادىرنا» ۇلتتىق پورتالى.
