تىسىڭىزگە ەمەس، تۇسىڭىزگە كىرەدى: ەت باعاسى ءبىر جىلدا قالاي وزگەردى؟

2837
Adyrna.kz Telegram

بيىل ەلىمىزدە ەت باعاسى 11 پايىزعا قىمباتتاعان. ونىڭ ىشىندە قوي ەتىنىڭ باعاسى 16 پايىزعا ارتقان. دەگەنمەن ەت جانە قۇس ەتىن ءوندىرۋ ءبىر جىلدا 6 پايىزعا ءوسىپ وتىر دەپ حابارلايدى "ادىرنا" ۇلتتىق پورتالى "energyprom.kz"-كە سىلتەمە جاساپ.

بىرىككەن ۇلتتار ۇيىمىنىڭ ازىق-تۇلىك جانە اۋىل شارۋاشىلىعى ۇيىمىنىڭ مالىمەتى بويىنشا الەمدە ەت پەن قۇس ەتىنە ازىق-تۇلىك باعاسىنىڭ يندەكسى 112,1 تارماقتى – 20,3 تارماقتى نەمەسە ءبىر جىل بۇرىنعىدان 22,1%-دى قۇرادى. وتكەن جىلدىڭ سايكەس ايىنا قاتىستى اعىمداعى جىلى ەڭ جوعارى يندەكسى شىلدەدە تىركەلدى: 114,1 بالل.

قازاقستاندا قازان ايىندا ەت پەن قۇس ەتىنىڭ باعاسى 2020 جىلعى قازانمەن سالىستىرعاندا 10,7%-عا ءوستى. بۇل  بيىلعى ەڭ جوعارى جىلدىق ءوسۋ قارقىنى.

وڭىرلەردى الىپ قاراساق،  ءبىر جىلدا ەت پەن قۇس ەتىنىڭ باعاسى قوستاناي وبلىسىندا 4,1%-عا، ال تۇركىستان وبلىسىندا 18,4%-عا ءوستى. سونداي-اق ماڭعىستاۋ وبلىسىندا (16,6%-عا) جانە شىمكەنتتە (16,4%-عا) ايتارلىقتاي ءوسىم بايقالدى.

سونداي-اق بيىل قوي مەن قۇس ەتىنىڭ باعاسى قازاقستاندا — 15,7%-عا، جىلقى ەتى — 11,2%-عا، شوشقا ەتى — 8,7%-عا، سيىر ەتى 8,6%-عا قىمباتتادى. قازان ايىندا ەلىمىزدە جىلقى ەتىنىڭ باعاسى ەداۋىر كوتەرىلدى، اتاپ ايتساق، ورتاشا ەسەپپەن ءبىر كەلى ەت 2557 تەڭگە بولدى.

بۇدان كەيىنگى ورىنداردى — قوي ەتى (1 كگ 2399 تەڭگە) جانە سيىر ەتى (1 كگ 2234 تەڭگە) . قازاقستان  قالالارىندا شوشقا ەتىنىڭ بولشەك ساۋداداعى باعاسى ورتاشا ەسەپپەن كەلىسىنە — 1808 تەڭگەنى، تاۋىق ەتىنىڭ كەلىسى 1047 تەڭگەنى قۇرادى.

بۇل رەتتە ەلىمىزدە ەت پەن قۇس ەتىن، سونداي-اق ولاردان الىناتىن تاماق ونىمدەرىنىڭ ءوندىرىسى ءبىر جىلدا 6,4 پايىزعا ءوسىپ، اعىمداعى جىلدىڭ قاڭتار-قىركۇيەك ايلارىندا كولەمى 250,7 مىڭ تونناعا جەتتى. ونىڭ 194,8 مىڭ تونناسى — قۇس ەتى، 55,9 مىڭ تونناسى — ءىرى قارا، ۇساق مال، شوشقا، جىلقى جانە جىلقى ەتى .

قۇس ەتىن ءوندىرۋدىڭ 79%-ى تەك ءۇش وبلىستىڭ ۇلەسىنە تيەدى: الماتى (66,6 مىڭ توننا), اقمولا (56 مىڭ توننا) جانە شىعىس قازاقستان (31,3 مىڭ توننا) وبلىستارى. وندىرىلگەن ەتتىڭ جارتىسىنان استامى دا تاعى ءۇش وبلىستىڭ ۇلەسىنە ءتيدى: اقتوبە (14 مىڭ توننا), قوستاناي (7,4 مىڭ توننا) جانە پاۆلودار (6,9 مىڭ توننا) وبلىستارى.

 

 

"ادىرنا" ۇلتتىق پورتالى 

 

پىكىرلەر